ఇటీవల విడుదలైన సినిమాల్లో భారీ విజయాన్ని అందుకొని కలెక్షన్ల పరంగా సంచలనం సృష్టిస్తున్న సినిమా ‘కాంతార చాప్టర్1’. రిషబ్ శెట్టి హీరోగా నటించడమే కాకుండా దర్శకత్వ బాధ్యతను కూడా చేపట్టి ఒక అద్భుతమైన చిత్రంగా ‘కాంతార చాప్టర్1’ని తెరకెక్కించారు. ఈ సినిమా ప్రపంచవ్యాప్తంగా 700 కోట్లకుపైగా వసూళ్లు రాబట్టిందని వార్తలు వస్తున్నాయి. సినిమా చూసిన ప్రేక్షకులకు ఒక కొత్త అనుభూతిని కలిగిస్తున్న ఈ సినిమా ప్రాంతాలతో సంబంధం లేకుండా అన్ని చోట్లా తన సత్తా చాటుతోంది. ఇదిలా ఉంటే.. ఈ సినిమాను నిర్మించిన హోంబలే ఫిలింస్‌ ఒక సంచలన నిర్ణయం తీసుకుందని తెలుస్తోంది. అదేమిటంటే.. ‘కాంతార చాప్టర్1’ ఆస్కార్‌కి నామినేట్ చెయ్యాలని.
మేకర్స్ దీనికి సంబంధించి ఇప్పటివరకు ఎలాంటి నిర్ణయం తీసుకోకపోయినా నామినేట్ చెయ్యాలనే ఆలోచన ఉన్నట్లు వార్తలు వస్తున్నాయి. ఈ కంటెంట్‌ను, వివిధ ప్రాంతాలకు సంబంధించిన జీవన శైలిని, ఆధ్యాత్మిక అంశాలు అంతర్జాతీయ స్థాయి ప్రేక్షకులకు చక్కని అనుభూతిని కలిగిస్తాయని చిత్ర నిర్మాతలు నమ్ముతున్నారు, అందుకే ఈ సినిమాని ఆస్కార్‌కి నామినేట్ చెయ్యాలన్న నిర్ణయానికి వచ్చారని విశ్వసనీయ సమాచారం.
మొదట విడుదలైన ‘కాంతార’ సాధించిన సంచలన విజయం గురించి అందరికీ తెలుసు. చిన్న సినిమాగా విడుదలై క్రమంగా భారీ హిట్‌ స్థాయికి చేరుకుంది. దానికి ప్రీక్వెల్‌గా రూపొందించిన ‘కాంతార చాప్టర్ 1’ అంతకు మించిన విజయాన్ని సాధించి ఇప్పటికీ కలెక్షన్ల వర్షం కురిపిస్తోంది. ఈ సినిమా క్లైమాక్స్‌లో రిషబ్ శెట్టి పెర్ఫార్మెన్స్‌ ప్రతి ఒక్కరినీ ఆకట్టుకుంటుంది. ఈ ఆస్కార్‌కి పంపాలనే నిర్ణయం తీసుకోవడానికి ప్రధాన కారణం క్లైమాక్స్‌లో రిషబ్ నటన అని సూచిస్తుంది. తన నటనలో ఆధ్యాత్మిక భావాన్ని, జానపద దేవత భావాన్ని చూపిన విధానం ప్రేక్షకులకు బాగా నచ్చింది.
హోంబలే లిన్స్‌ తీసుకుంటున్న నిర్ణయం సరైన ఫిదేనని తెలిసిన నెటిజన్లు, ప్రేక్షకులు, అభిమానులు అంటున్నారు. సోషల్ మీడియాలో దీనికి సంబంధించిన చర్చ. మేకర్స్ నిర్ణయానికి మద్దతు తెలుపుతున్నామంటూ పోస్టులు పెడుతున్నారు. ‘కాంతార’ వంటి సినిమాకి అంతర్జాతీయ స్థాయిలో గుర్తింపు రావాల్సిన అవసరం ఎంతైనా ఉందని నెటిజన్లు అభిప్రాయపడుతున్నారు. దీని గురించి హోంబలే ఫిలిన్స్‌ తుది నిర్ణయం తీసుకొని అధికారికంగా దాన్ని ప్రకటించాల్సిన అవసరం ఉంది.
