వరమీడియా కొత్తగూడెం ప్రతినిధి

స్థలం: 28-10-2025 భద్రాద్రి కొత్తగూడెం బార్ అసోసియేషన్

తెలంగాణ రాష్ట్ర బార్ కౌన్సిల్ రాబోయే ఎన్నికల నేపథ్యంలో, ఖమ్మం బార్ అసోసియేషన్ న్యాయవాది తాళ్లూరి దిలీప్ భద్రాద్రి కొత్తగూడెం బార్ అసోసియేషన్‌లో న్యాయవాదులతో సమావేశం నిర్వహించారు.

ఈ సందర్భంగా ఆయన గత దశాబ్ద కాలంగా న్యాయవాదుల సంక్షేమం, న్యాయ వ్యవస్థ సంస్కరణలు మరియు వృత్తి పరిరక్షణ కోసం చేసిన కృషులు, ప్రతినిధిత్వాలు మరియు సాధించిన విజయాలు గురించి వివరించారు.

న్యాయవాది తాళ్లూరి దిలీప్ చేసిన ప్రధాన కృషులు క్రింది విధంగా ఉన్నాయి –

న్యాయవాదుల సంక్షేమం మరియు చట్టపరమైన సంస్కరణల కోసం చేసిన ప్రతినిధిత్వాలు

1. 41A CrPC / 35(3) BNSS సవరణ అంశంపై రాష్ట్ర స్థాయి సదస్సు నిర్వహించి, లా సెక్రటరీకి నివేదిక సమర్పించారు. ఆ తర్వాత లా సెక్రటరీ అసెంబ్లీలో ఆ అంశాన్ని ప్రస్తావించగా, ఖమ్మం ఎంపీ రామసహాయం రఘురాం రెడ్డి పార్లమెంటులో ప్రస్తావించారు.
2. అడ్వకేట్స్ వెల్ఫేర్ ట్రస్ట్ – యునైటెడ్ హెల్త్ ఇన్సూరెన్స్ ద్వారా క్యాష్‌లెస్ వైద్యం కోసం ఆసుపత్రుల సంఖ్య పెంచాలని తొలి ప్రతినిధిత్వం చేశారు.
3. 197వ లా కమిషన్ రిపోర్ట్ ఆధారంగా 50% పదవులు సీనియర్ కౌన్సిల్స్‌కి ఇవ్వాలని సూచించి, డైరెక్టర్ ఆఫ్ ప్రాసిక్యూషన్ చేసిన కాడర్ పోస్టుల నిర్ణయాన్ని ఆపివేయించారు.
4. క్యాడర్ పబ్లిక్ ప్రాసిక్యూటర్ నియామకాలు రద్దు చేయాలని హోం సెక్రటరీ, లా సెక్రటరీలకు పలు మార్లు ప్రతినిధిత్వం చేసి, సీనియర్ కౌన్సిల్స్‌కు టెన్యూర్ అపాయింట్‌మెంట్స్ ఇవ్వాలని సూచించారు.
5. ఖమ్మం కలెక్టర్ ద్వారా సమన్వయం చేసి, ఖమ్మం ఉపకోర్టులకు AGP మరియు అదనపు పబ్లిక్ ప్రాసిక్యూటర్ పోస్టులు తెప్పించారు. ప్రస్తుతం మరో అదనపు PP పోస్టు ప్రక్రియలో ఉంది.
6. అడ్వకేట్స్ ప్రొటెక్షన్ యాక్ట్ అంశాన్ని కేంద్ర లా మంత్రికి, రాష్ట్ర లా సెక్రటరీకి సమర్పించి, సంస్కరణలపై సూచనలు చేశారు.
7. ఢిల్లీ సీఎం స్కీమ్ నమూనాగా తీసుకొని, మెడిక్లెయిమ్ పరిమితిని ₹2 లక్షల నుండి ₹5 లక్షలకు పెంచాలని సూచించారు.
8. 2019 తరువాత నమోదు అయిన కొత్త న్యాయవాదులకు హెల్త్ ఇన్సూరెన్స్ కార్డులు ఇవ్వాలని అనేకసార్లు ప్రతినిధిత్వం చేసి, ఈ అంశంపై డిప్యూటీ సీఎం భట్టి విక్రమార్కను మూడుసార్లు కలిశారు.
9. న్యాయవాదుల పిల్లల ఉన్నత విద్య కోసం గ్యారంటీ లేని విద్యా రుణాలు ఇవ్వాలని డిప్యూటీ సీఎంను కోరారు.
10. 35 ఏళ్ళ లోపు మరియు తర్వాత చేరిన న్యాయవాదులందరికీ వెల్ఫేర్ ఫండ్ అవకాశాలు కల్పించాలని బార్ కౌన్సిల్‌కి సూచించారు.
11. 30 ఏళ్ల సీనియారిటీ కలిగిన సీనియర్ కౌన్సిల్స్‌కి పెన్షన్ స్కీమ్ అందించాలని ప్రతిపాదించారు.
12. ల్యాండ్ అక్విజిషన్ ట్రైబ్యునల్స్ ను ఖమ్మం, ఆదిలాబాద్/మంచేరియల్ జోన్లలో ఏర్పాటు చేయాలని సూచించారు.
13. వరంగల్ హైకోర్టు బెంచ్ ఏర్పాటు కోసం ప్రతినిధిత్వం చేశారు.
14. కేంద్ర నోటరీ నియామకాలు అంశాన్ని మాజీ ఎంపీ నామ నాగేశ్వరరావు పార్లమెంటులో ప్రస్తావించారు. అనంతరం లా మంత్రి అర్జున్ రామ్ మేఘవాల్ మరియు పార్లమెంటరీ స్టాండింగ్ కమిటీ చైర్మన్ బ్రిజ్‌లాల్‌లను కలసి ప్రతినిధిత్వం చేశారు.
15. BNSSలో విరుద్ధ నిబంధనల సవరణ, అడ్వకేట్స్ ప్రొటెక్షన్ యాక్ట్, నోటరీ పబ్లిక్ నియామకాలు, 35(3) BNSS / 41A CrPC సవరణ అంశాలపై కేంద్ర లా మంత్రిని మూడుసార్లు కలసి ప్రతినిధిత్వం చేశారు.
16. BC మరియు ST యువ న్యాయవాదుల కోసం స్కాలర్‌షిప్‌లు కల్పించాలంటూ సంబంధిత అధికారులకు ప్రతినిధిత్వం చేశారు.
17. 2025 Advocates Amendment Bill పై కేంద్ర లా సెక్రటరీలకు సూచనలు ఇచ్చి, డ్రాఫ్ట్‌లో ఉన్న లోపాలపై అభ్యంతరాలు వ్యక్తం చేశారు. దీన్ని భారత లా కమిషన్ ఆమోదించి, లా శాఖకు పంపింది.
18. అదే బిల్లు విషయాన్ని లా కమిషన్‌కు నేరుగా సమర్పించగా, లా కమిషన్ దానిని లా డిపార్ట్‌మెంట్‌కు రిఫర్ చేసింది.
19. సహస్ వెల్ఫేర్ ట్రస్ట్ ఆధ్వర్యంలో తన కుమారుడు సహస్ చౌదరి స్మారకార్థం రాష్ట్ర స్థాయి క్రికెట్ మరియు మహిళల క్రీడా పోటీలు మూడు సార్లు నిర్వహించారు. 20 బార్ అసోసియేషన్లు పాల్గొన్నాయి.
20. గత 10 సంవత్సరాలుగా న్యాయవాదుల సమస్యల పరిష్కారం కోసం నిరంతర కృషి చేస్తూ, న్యాయవాదుల ఐక్యత, గౌరవం, సంక్షేమం కోసం అంకిత భావంతో సేవ చేస్తున్నారు.

భద్రాచలం సమావేశం వివరాలు

ఈరోజు జరిగిన సమావేశంలో భద్రాద్రి కొత్తగూడెం బార్ అసోసియేషన్ అధ్యక్షులు, కార్యదర్శి, సీనియర్ మరియు జూనియర్ న్యాయవాదులు పాల్గొన్నారు.
దిలీప్ చేసిన కృషిని, కేంద్ర మరియు రాష్ట్ర ప్రభుత్వాల వద్ద చేసిన ప్రతినిధిత్వాలను అభినందించారు.

న్యాయవాదుల సంక్షేమం, వృత్తి పరిరక్షణ కోసం ఆయన చేస్తున్న కృషి రాష్ట్రవ్యాప్తంగా న్యాయవాద సమాజానికి ఆదర్శమని వారు పేర్కొన్నారు.
దిలీప్ తాళ్లూరి, రాబోయే బార్ కౌన్సిల్ ఎన్నికల్లో న్యాయవాదుల హక్కుల కోసం తన పోరాటాన్ని కొనసాగించనున్నట్టు తెలిపారు.

– భద్రాద్రి కొత్తగూడెం బార్ అసోసియేషన్
ప్రెస్ నోట్.

“న్యాయవాదుల సంక్షేమానికి అంకితమైన న్యాయవాది — తాళ్లూరి దిలీప్”
“సంక్షేమం – సంస్కరణ – సమైక్యత… అదే తాళ్లూరి దిలీప్ ధ్యేయం”