తిరువీర్, టీనా శ్రావ్య జంటగా నటించిన చిత్రం 'ది గ్రేట్ ప్రీ వెడ్డింగ్ షో'. 7PM , పప్పెట్ షో ప్రొడక్షన్స్ బ్యానర్లపై సందీప్ అగరం, అశ్మిత రెడ్డి నిర్మించిన ఈ చిత్రానికి రాహుల్ శ్రీనివాస్ దర్శకత్వం వహించారు. కల్పనా రావు సహ నిర్మాత. నవంబర్ 7న ఈ మూవీని గ్రాండ్‌గా రిలీజ్ చేయబోతున్నారు. ఇప్పటికే విడుదల చేసిన టీజర్, గ్లింప్స్, టైటిల్ పోస్టర్లు సినిమాపై అంచనాలు పెంచేశాయి. ఈ మంగళవారం నాడు చిత్ర ట్రైలర్‌ను విడుదల చేశారు. ఈ మేరకు నిర్వహించిన ట్రైలర్ లాంచ్ ఈవెంట్‌కి దర్శకులు కరుణ కుమార్, యదు వంశీ, ఆదిత్య హాసన్, రామ్ అబ్బరాజు, సన్నీ, దుశ్యంత్, ఉదయ్ గుర్రాల, రూపక్, తేజ, నంద కిషోర్ వంటి వారు ముఖ్య అతిథులుగా విచ్చేశారు. ఈ కార్యక్రమంలో..

దర్శకుడు కరుణ కుమార్ మాట్లాడుతూ.. 'తిరువీర్‌ను నేను ఓ నాటకంలో చూశాను. నేను మూవీ తీస్తే తిరువీర్‌కి పాత్ర అందించిన ఫిక్స్ అయ్యాను. 'పలాస'లో మూడు పాత్రలు అనుకున్నప్పుడు అందులో తిరువీర్ ఉండాలని అనుకున్నాను. 'పలాస' కోసం మేం ఎన్నో కష్టాలు ఎదుర్కొన్నాం. తల్లి చనిపోయినా కూడా తిరువీర్ ఆ తర్వాత మాకు చెప్పకుండా షూటింగ్‌లో సీన్ చేశాడు. అలా తిరువీర్ మాకు ఎంతో సహకరించారు. డెబ్యూగా సినిమాలు తీసేటప్పుడు మేకర్లకు ఉండే కష్టాలు మా అందరికీ తెలుసు. ఈ చిత్రం వంద శాతం బ్లాక్ బస్టర్ హిట్ అవుతుంది. రూటెడ్ కథల్నే ఆడియన్స్ ఎక్కువగా ఇష్టపడుతున్నారు. నవంబర్ 7న ఈ చిత్రం రాబోతోంది. అందరూ తప్పకుండా చూడండి' అని అన్నారు.

అనగనగా దర్శకుడు సన్నీ మాట్లాడుతూ.. ''పరేషాన్'లో తిరువీర్ యాక్టింగ్ నాకు చాలా ఇష్టం. అన్ని రకాల ఎమోషన్స్‌ను తిరు అద్భుతంగా పలికిస్తారు. తనకంటూ ఓ మార్క్‌ను తిరు క్రియేట్ చేసుకున్నారు. అందరికీ కనెక్ట్ అయ్యే కథతో తీసిన ఈ 'ది గ్రేట్ ప్రీ వెడ్డింగ్ షో' అందరినీ ఆకట్టుకుంటుంది' అని అన్నారు.

సామజవరగమన దర్శకుడు రామ్ అబ్బరాజు మాట్లాడుతూ.. ''ది గ్రేట్ ప్రీ వెడ్డింగ్ షోకి నేను బాగా కనెక్ట్ అయ్యాను. నాకు పెళ్లై రెండేళ్లు అవుతోంది. కానీ ఇంకా ఆల్బమ్ రాలేదు (నవ్వుతూ). ట్రైలర్ బాగుంది. సినిమా మరింత బాగుంటుందని ఆశిస్తున్నాను. సిట్యువేషనల్ కామెడీతో రానున్న ఈ చిత్రం అందరినీ ఆకట్టుకుంటుంది. తిరువీర్‌కు మంచి విజయం దక్కాలని కోరుకుంటున్నాను. చిత్రయూనిట్‌కు ఆల్ ది బెస్ట్' అని అన్నారు.

దర్శకుడు ఆదిత్య హాసన్ మాట్లాడుతూ.. 'తిరువీర్ గారి వర్క్ అంటే నాకు చాలా ఇష్టం. రోహన్ ప్రస్తుతం మారిపోయాడు. నాకు సురేష్ బొబ్బిలి మంచి స్నేహితుడు. ఆయనకు మరిన్ని విజయాలు దక్కాలి. సురేష్‌తో మళ్లీ మళ్లీ పని చేయాలని అనుకుంటున్నాను. తిరువీర్ గారు ఎప్పుడూ కొత్తగా ప్రయత్నిస్తారు. నేను ఆయనకు పెద్ద అభిమానిని. త్వరలో ఆయనతో పని చేయాలని కోరుకుంటున్నాను. ఈ మూవీతో దర్శక నిర్మాతలకు బిగ్ సక్సెస్ రావాలని కోరుకుంటున్నాను' అని అన్నారు.

దర్శకుడు యదు వంశీ మాట్లాడుతూ ..'తిరువీర్ గారు చేసిన 'పరేషాన్' అంటే నాకు చాలా ఇష్టం. మా 'కమిటీ కుర్రోళ్లు' నుంచి వచ్చిన టీనా శ్రావ్యకు మళ్లీ సక్సెస్ రావాలి. రోహన్‌లో ఎంతో పాజిటివిటీ, ఎనర్జీ ఉంది. 'ది గ్రేట్ ప్రీ వెడ్డింగ్ షో' టీంకు ఆల్ ది బెస్ట్. కొత్త వాళ్లను సపోర్ట్ చేయడానికి మేం ఎప్పుడూ ముందుంటాం. మంచి కంటెంట్‌తో రాబోతోన్న ఈ చిత్రం అందరినీ ఆకట్టుకుంటుంది' అని అన్నారు.

'అంబాజీపేట' దర్శకుడు దుశ్యంత్ మాట్లాడుతూ.. ''ది గ్రేట్ ప్రీ వెడ్డింగ్ షో' ట్రైలర్ నాకు చాలా నచ్చింది. ఎవరైనా ఏదైనా కొత్త కాన్సెప్ట్ పట్టుకొస్తుంటే.. వారికి ఫస్ట్ ఛాయిస్‌గా తిరువీర్ నిలుస్తున్నారు. దర్శక, నిర్మాతలకు మంచి విజయం దక్కాలని కోరుకుంటున్నాను. నవంబర్ 7న ఈ సినిమాను అందరూ చూడండి' అని అన్నారు.

దర్శకుడు ఉదయ్ గుర్రాల మాట్లాడుతూ.. 'తిరువీర్ కోసమే ఇంత మంది దర్శకులు ఈ రోజు ఇలా వచ్చారు. తిరు ఎప్పుడూ మంచి కథల్ని ఎంచుకుంటూ ఉంటారు. స్టార్ హీరోలు వారి స్టార్డంను బట్టి, లెక్కల్ని బట్టి కొన్ని కథలు చేయలేరు. 'ది గ్రేట్ ప్రీ వెడ్డింగ్ షో' మూవీని నేను చూశాను. చాలా బాగా వచ్చింది. 'తిరువీర్ యాక్టింగ్' చూసి నేను షాక్ అయ్యాను. 'మసూద'లో అమాయకుడిగా నటించాడు. ఎలాంటి పాత్రనైనా తిరువీర్ అవలీలగా పోషించాడు. ఈ మూవీ పెద్ద హిట్ అవ్వాలని కోరుకుంటున్నాను' అని అన్నారు.

పరేషాన్ దర్శకుడు రూపక్ మాట్లాడుతూ.. ''ది గ్రేట్ ప్రీ వెడ్డింగ్ షో' మూవీని నేను ఆల్రెడీ చూశాను. చాలా అద్భుతంగా ఉంటుంది. స్వీట్, సింపుల్, సెన్సిబుల్, ఫన్ రైడ్‌గా సినిమా ఉంటుంది. ఇలాంటి ఓ ఫ్రెష్ ఐడియాను సపోర్ట్ చేసిన ప్రొడ్యూసర్‌లకు కంగ్రాట్స్. నటినటులంతా కూడా చాలా బాగా చేశారు. సోమ శేఖర్ కెమెరా వర్క్, సురేష్ బొబ్బలి మ్యూజిక్ ఇలా అన్నీ బాగుంటాయి. అంతా కలిసి చూసి హాయిగా నవ్వుకునేలా సినిమా ఉంటుంది. తిరువీర్‌కు ఈ మూవీతో మంచి సక్సెస్ వస్తుంది' అని అన్నారు.

జోహార్ దర్శకుడు తేజ మాట్లాడుతూ.. ''ది గ్రేట్ ప్రీ వెడ్డింగ్ షో' చిత్రంలో చాలా మంది కొత్త వాళ్లే కనిపిస్తున్నారు. కొత్త నిర్మాతలకు ఈ చిత్రంతో డబ్బులు బాగానే వస్తాయి. నవంబర్ 7న ఈ చిత్రం రాబోతోంది. అందరూ తప్పకుండా సినిమా చూసి కొత్త వాళ్లని ఎంకరేజ్ చేయండి' అని అన్నారు.

దర్శకుడు నంద కిషోర్ మాట్లాడుతూ.. ''జార్జి రెడ్డి' టైంలోనే నాకు తిరువీర్ తెలుసు. ఎంతో కష్టపడి ఈ స్థాయికి వచ్చారు. ఆయన ప్రతీ సినిమాలో, ప్రతీ పాత్రలో సహజత్వం ఉట్టి పడుతుంది. 'ది గ్రేట్ ప్రీ వెడ్డింగ్ షో'తో ఆయనకు మరింత సక్సెస్ రావాలని కోరుకుంటున్నాను' అని అన్నారు.

హీరో తిరువీర్ మాట్లాడుతూ.. 'మా 'ది గ్రేట్ ప్రీ వెడ్డింగ్ షో' కోసం ఇంత మంది దర్శకులు వచ్చారు. నేను ఇంత మంది మంచి ఫ్రెండ్స్‌ను దర్శకుల రూపంలో సంపాదించుకున్నందుకు ఆనందంగా ఉంది. నిర్మాత సందీప్ మాకు ఎంతో సపోర్ట్ చేశారు. కథ చెప్పినప్పుడు కంటిన్యూగా నవ్వుతూనే ఉన్నాను. ఎంతో సరదాగా షూటింగ్ చేశాం. అంతా కలిసి టూర్‌కు ఫ్యామిలీ వెళ్లినట్టుగా షూటింగ్ చేశాం. మంచి కంటెంట్‌తో మా 'ది గ్రేట్ ప్రీ వెడ్డింగ్ షో' నవంబర్ 7న రాబోతోంది. మా చిత్రం అందరికీ నచ్చుతుంది. మా సినిమాను ఆడియన్స్ ఆదరిస్తారని ఆశిస్తున్నాను. మాకు అండగా నిలిచిన జీ సంస్థకు ధన్యవాదాలు. ' అని అన్నారు.

చిత్ర నిర్మాత సందీప్ అగరం మాట్లాడుతూ.. ''ది గ్రేట్ ప్రీ వెడ్డింగ్ షో' ఈవెంట్‌కు వచ్చిన దర్శకులందరికీ థాంక్స్. మా హీరో తిరువీర్ ఈ ప్రయాణంలో ఎంతో సపోర్ట్‌గా నిలిచారు. దర్శకుడు రాహుల్ ఈ మూవీని అద్భుతంగా తీశారు. నవంబర్ 7న మా చిత్రం రాబోతోంది. అందరూ చూసి సపోర్ట్ చేయండి' అని అన్నారు.

చిత్ర దర్శకుడు రాహుల్ శ్రీనివాస్ మాట్లాడుతూ.. ''ది గ్రేట్ ప్రీ వెడ్డింగ్ షో' సినిమాకి ఆన్ స్క్రీన్, ఆఫ్ స్క్రీన్‌లో హీరో తిరువీర్. మా ట్రైలర్ అందరికీ నచ్చినట్లు ఉంది. ట్రైలర్‌కు వంద రెట్లు అనేట్టుగా సినిమా ఉంటుంది. అందరినీ ఎంటర్టైన్ చేసేలా మా చిత్రం ఉంటుంది. నవంబర్ 7న మా సినిమాను అందరూ చూడండి' అని అన్నారు.

హీరోయిన్ టీనా శ్రావ్య మాట్లాడుతూ .. ''ది గ్రేట్ ప్రీ వెడ్డింగ్ షో' ట్రైలర్ అందరికీ నచ్చుతుందని అనుకుంటున్నాను. ఇంత మంచి దర్శకులంతా కూడా మా ఈవెంట్‌కు రావడం ఆనందంగా ఉంది. మంచి కంటెంట్ ఉన్న చిత్రాలను ఆడియన్స్ ఎప్పుడూ సపోర్ట్ చేస్తారు. మేం ఎంతో ఇష్టపడి, కష్టపడి ఈ మూవీని చేశాం. మా టీం అందరికీ థాంక్స్. నవంబర్ 7న థియేటర్‌లోకి రాబోతోంది. మంచి కంటెంట్‌తో మంచి ఎంటర్టైన్మెంట్ ఇచ్చేలా మా చిత్రం ఉంటుంది' అని అన్నారు.

మాస్టర్ రోహన్ మాట్లాడుతూ.. ''ది గ్రేట్ ప్రీ వెడ్డింగ్ షో' ట్రైలర్ లాంఛ్ ఈవెంట్‌కు వచ్చిన ప్రతీ ఒక్క దర్శకుడికి థాంక్స్. అందరినీ హాయిగా నవ్వించేలా మా చిత్రం ఉంటుంది. నవంబర్ 7న మా సినిమాను అందరూ చూడండి' అని అన్నారు.

సురేష్ బొబ్బిలి మాట్లాడుతూ .. ''ది గ్రేట్ ప్రీ వెడ్డింగ్ షో' ట్రైలర్ లాంచ్ ఈవెంట్‌కు వచ్చిన గెస్టులందరికీ థాంక్స్. నాకు ఈ అవకాశం ఇచ్చిన రాహుల్ గారికి, సందీప్ గారికి, తిరువీర్ గారికి థాంక్స్. సినిమా గురించి ప్రీ రిలీజ్ ఈవెంట్‌లో మాట్లాడతాను' అని అన్నారు.