-కాంతార చాప్టర్ 1 వ్యూస్ ఎంత?
-కొత్తలోక చాప్టర్ 1 వ్యూస్ ఎంత?
-థియేటర్ లో మాత్రం సంచలన విజయం
-ఆ తర్వాత ప్లేస్ లో ఎవరున్నారు

కాంతార అధ్యాయం 1(kanthara chapter 1)కొత్తలోక చాప్టర్ 1(kotha lokah chapter 1)ఈ రెండు చిత్రాలు సాధించిన విజయం గురించి ఎంత చెప్పుకున్నా తక్కువే. రెండు భిన్నమైన జోనర్స్ తో ప్రదర్శించి పాన్ ఇండియా సిల్వర్ స్క్రీన్ వద్ద విజయదుందుభి మోగించాయి. మేకింగ్, కంటెంట్ పరంగా పాన్ ఇండియా మేకర్స్ ముందు ఎన్నో సవాళ్ళని కూడా ఉంచారు.ఒకసారి సినిమా చూడటానికే థియేటర్స్ కి ప్రేక్షకులు పెద్దగా రాని ఈ రోజుల్లో రిపీట్ ఆడియన్స్ ని థియేటర్స్ కి పరుగులు తీశాయి. దీన్ని బట్టి ఆ చిత్రాలు ఎంత బలమైన ప్రభావం చూపించాయో అర్ధం చేసుకోవచ్చు.

ఇక ఈ రెండు చిత్రాలు థియేటర్లలో తమ జోరుని తగ్గించుకున్న తర్వాత ఓటిటి వేదికగా స్ట్రీమింగ్ కి వచ్చాయి. కాంతార చాప్టర్ 1 అక్టోబర్ 31 న అమెజాన్ ప్రైమ్ వేదికగా అడుగుపెట్టగా, కొత్త లోక చాప్టర్ 1 కూడా జియో హాట్ స్టార్ వేదికగా అక్టోబర్ 31 నే అందుబాటులోకి వచ్చింది. దీనితో ఏ చిత్రం ఎక్కువగా ఓటిటి సినీ ప్రేమికుల అభిమానాన్ని చూరగొంటుందనే ఆసక్తి ఏర్పడింది. రీసెంట్ గా ఓటిటి వేదికగా ఎక్కువ వ్యూస్ ని రాబట్టే సినిమాల వివరాలను అందించే ప్రముఖ ఆర్మాక్స్(AArmax)సంస్థ తమ జాబితాని ప్రకటించింది. కాంతార చాప్టర్ 1 (4.1 ) మిలియన్ల వ్యూస్ తో మొదటి స్థానంలో నిలవగా, కొత్త లోక చాప్టర్ 1 (4 ) మిలియన్ల వ్యూస్ తో రెండో స్థానంలో నిలిచింది. ఆసక్తికరంగా ఈ రెండు చిత్రాలు పోటాపోటీగా వ్యూస్ ని రాబట్టడం విశేషం. మిగతా స్థానాల్లో చూసుకుంటే 3.1 మిలియన్ల వ్యూస్ తో మిరాయ్ మూడో స్థానంలో ఉంది. 2.4 మిలియన్ల వ్యూస్ తో ఇడ్లీ కొట్టు నాలుగో స్థానంలో, టైగర్ ష్రఫ్ నటించిన హిందీ మూవీ భాగీ పార్ట్ 4 ఐదవ స్థానంలో ఉన్నాయి.

ఇది కూడా చదవండి: కాంత పై కోర్టులో కేసు వేసిన ప్రముఖ హీరో మనవడు.. 14న రిలీజ్ ఉందా!

ఇలా ఓటిటి వేదికగా సౌత్ చిత్రాలు మొదటి రెండు స్థానాల్లో నిలవడం ఇండియన్ మూవీ లవర్స్ లో సౌత్ చిత్రాల పట్ల ఆదరణని అర్ధం చేసుకోవచ్చు. త్వరలోనే కాంతార చాప్టర్ 1 , కొత్త లోక బుల్లి తెర ప్రేక్షకులని కూడా అలరించాయి.