మరికొద్ది గంటల్లో 'ఆంధ్ర కింగ్ తాలూకా'
ఫస్ట్ రివ్యూ పాజిటివ్ గానే ఉందా?
రామ్ ఖాతాలో హిట్ పడుతుందా?

ఒక సాలిడ్ సక్సెస్ కోసం రామ్ పోతినేని, ఈ వారం 'ఆంధ్ర కింగ్ తాలూకా'తో తన అదృష్టాన్ని పరీక్షించుకోనున్నాడు. అభిమాని బయోపిక్ గా పి.మహేష్ బాబు దర్శకత్వంలో మైత్రి మూవీ మేకర్స్ నిర్మించిన ఈ మూవీ రేపు(నవంబర్ 27) ప్రేక్షకుల ముందుకు రానుంది. ప్రతి అభిమానికి కనెక్ట్ అయ్యే కంటెంట్ తో వస్తున్న ఈ మూవీ.. ప్రచార చిత్రాలతో ప్రేక్షకుల దృష్టిని ఆకర్షించింది. ఫస్ట్ రివ్యూ కూడా పాజిటివ్ గానే ఉంది. (ఆంధ్ర రాజు తాలూకా)

'ఆంధ్ర కింగ్ తాలూకా' సెన్సార్ రిపోర్ట్ పాజిటివ్ గా వచ్చింది. ఇప్పటికే మూవీ టీంతో పాటు, సన్నిహితులతో ఈ సినిమా చూసినట్లు సమాచారం. సినిమా చూసిన ప్రతి ఒక్కరూ పాజిటివ్ ఫీడ్ బ్యాక్ ఇచ్చాడు.

ఇది కూడా చదవండి: చరిత్ర సృష్టించడానికి సై అంటున్న బాలయ్య!

చాలారోజుల పాటు గుర్తుంచుకునే.. ఒక బ్యూటీఫుల్ ఎమోషనల్ రైడ్ లా 'ఆంధ్ర కింగ్ తాలూకా' మూవీ ఉందని అంటున్నారు. ప్రచార చిత్రాలలో ఉన్నట్లుగా హీరోపై ఫ్యాన్ చూపించే అభిమానం ప్రతి ఒక్క అభిమాని చూపించేలా ఉందట. అలాగే, ఇందులో తండ్రీకొడుకుల ట్రాక్ ప్రధాన బలాలలో ఒకటిగా నిలిచిందని అంటున్నారు.

రామ్, భాగ్యశ్రీ మధ్య వచ్చే సన్నివేశాలు కూడా ప్రత్యేక ఆకర్షణగా నిలిచాయట. సున్నితమైన భావోద్వేగాలతో దర్శకుడు మహేష్ కథను నడిపిన తీరు కట్టిపడేసిందట. ముఖ్యంగా చివరి 45 నిమిషాలు హృదయాన్ని హత్తుకునేలా ఉందనే మాట వినిపిస్తోంది.

ఇప్పటికే 'ఆంధ్ర కింగ్ తాలూకా'పై మంచి బాజ్ ఉంది. ఇక ఇప్పుడు సెన్సార్ నుంచి, సన్నిహితుల నుంచి పాజిటివ్ ఫీడ్ బ్యాక్ వచ్చింది. థియేటర్లలో కూడా ఇదే టాక్ వస్తే.. రామ్ ఖాతాలో హిట్ పడినట్లే. ఈ సినిమా రిజల్ట్ ఏమవుతుంది అనేది మరికొద్ది గంటల్లో తేలిపోనుంది.