మెహిదీపట్నం, నవంబర్ 9: నేతాజీ నగర్ రెసిడెంట్స్ రిక్రియేషన్ ఫోరం రజతోత్సవాలు ఆదివారం నేతాజీ నగర్లోని శివ దత్ రాయ్ ప్రహ్లాద్ రాయ్ కమ్యూనిటీ సెంటర్లో ఘనంగా జరిగాయి. రిక్రియేషన్ ఫోరం అధ్యక్షుడు కేవీబీ మురళీమోహన్ రావు అధ్యక్షతన జరిగిన ఈ కార్యక్రమంలో నేతాజీ నగర్ వెల్ఫేర్ అసోసియేషన్ నాయకులు, ఫోరం కార్యవర్గ సభ్యులు, కాలనీవాసులు ఉన్నారు.
వెల్ఫేర్ అసోసియేషన్ గౌరవాధ్యక్షుడు వినోద్ అగర్వాల్, అధ్యక్షుడు జి అప్పారావు, ప్రధాన కార్యదర్శి జగన్మోహన్ రెడ్డి, కోశాధికారి అమర్ నాథ్ రెడ్డి, అసోసియేషన్ నాయకులు ఏ కృష్ణమూర్తి, ఏ సత్యంబాబు, వై నరేందర్ రెడ్డి, ఎం మాణిక్ రెడ్డి, కే ప్రభాకర్, కృష్ణ దాస్ చేస్తున్నారు.
ఈ సందర్భంగా వారు మాట్లాడుతూ 25 ఏళ్ల స్ఫూర్తిదాయక ప్రయాణంలో రిక్రియేషన్ ఫోరం ఎన్నో విజయాలు సాధించిందని ప్రశంసించారు. కాలనీవాసుల విరాళాలతో నిర్మించిన చక్కటి ఇండోర్ స్టేడియంలో వుడెన్ షటిల్ కోర్టును, టెన్నిస్ కోర్టును ఫోరం అన్ని హంగులతో ఏర్పాటు చేసి, ఉన్నత ప్రమాణాలతో ఉండేదని వారు కొనియాడారు. కాలనీల్లో బాల బాలికలకు సమ్మర్ క్యాంపులు నిర్వహించడం, జాతీయ పర్వదినాల సందర్భంగా క్రీడా పోటీలు నిర్వహించడం ఆనవాయితీగా వస్తున్నదని ఫోరం అధ్యక్షుడు మురళీమోహన్ రావు తెలియజేశారు.
గత రెండున్నర దశాబ్దాలలో అనేక చోట్ల జరిగిన షటిల్ బ్యాడ్మింటన్, టెన్నిస్ పోటీలలో నేతాజీ నగర్ రిక్రియేషన్ ఫోరం తరపున జట్లు పాల్గొని విజయాలు సాధించాయని ఆయన వివరించారు. సిల్వర్ జూబ్లీ సందర్భంగా నిర్వహించిన షటిల్ బ్యాడ్మింటన్ పోటీలలో గెలుపొందింది జట్లకు వేదికగా.
ఫోరం నిర్వహణలో సహకరించిన వారిని ఈ సందర్భంగా శాలువాలు, మెమెంటోలతో సత్కరించారు. రిక్రియేషన్ ఫోరం ఆఫీస్ బేరర్లు ఉమేష్ కుమార్, వై రవీందర్ రెడ్డి, ఎంవీ రంగారెడ్డి, శ్రీనివాసరావు, చలపతిరావు, అబ్దుల్ మాలిక్, పి రామేశ్వర్ రెడ్డి, వేణుగోపాల్ నాయుడు ఈ కార్యక్రమంలో పాల్గొన్నారు.
The post ఘనంగా నేతాజీ నగర్ రిక్రియేషన్ ఫోరం రాజతోత్సవాలు appeared first on Mudra News.
