ముచ్చటగా మూడవ రోజుకు చేరిన జేఏసీ ఆధ్వర్యంలో రిలే నిరాహార దీక్షలు

పు త రామచంద్రయ్య
తెలుగుదేశం పార్టీ పార్లమెంటు ఉపాధ్యక్షుడు

VRMన్యూస్ బాల మౌలాలి ఒంటిమిట్ట డిసెంబర్ 8

ఒంటిమిట్టను కడప జిల్లాలోనే కొనసాగించాలి.. రాయచోటిని జిల్లా కేంద్రంగా ప్రకటించే ప్రతిపాదనను వెంటనే రద్దు చేయాలి.. అంటూ ఒంటిమిట్ట జేఏసీ ఆధ్వర్యంలో ప్రారంభమైన రిలే నిరాహార దీక్షలు రెండో రోజుకు చేరుకున్నాయి. ప్రభుత్వం తీసుకుంటున్న నిర్ణయాలపై ప్రజల్లో తీవ్ర అసంతృప్తి నెలకొనడంతో ఉద్యమం రోజు రోజుకు ఉధృత రూపం దాల్చుతోంది. మండలంలోని వివిధ గ్రామాల నుంచి ప్రజలు పెద్దఎత్తున తరలివచ్చి దీక్షలో పాల్గొంటున్న వారితో కలిసి నిలబడి సంఘీభావం తెలుపుతున్నారు.
రెండవ రోజు నిర్వహించిన రిలే నిరాహార దీక్షలో కట్టా యానాదయ్య, చల్లా రోశయ్య, కట్ట చలపతి, నంద్యాల వెంకటేష్, అవసాని రమణయ్య, చినబాబు లు పాల్గొని తమ నిరసనను వ్యక్తం చేశారు. ఉదయం నుంచే దీక్షా ప్రాంగణంలో కూర్చుని మౌనంగా, క్రమశిక్షణతో నిరసన కొనసాగించారు. వీరిని చూసి స్థానిక ప్రజలు, యువత, పెద్ద సంఖ్యలో తరలివచ్చి ధైర్యం చెబుతూ వారికి మద్దతు పలికారు.
సంఘీభావం తెలిపిన నాయకులు
ఈ దీక్షా శిబిరాన్ని అడ్వకేట్ రామదాసు, కొత్తపల్లి బొబ్బిలి రాయుడు, గెడ్డం నాగేశ్వర్ రెడ్డి, అలాగే సిద్ధవటం మండలం నుంచి పుత్త రామచంద్రయ్య, చంద్రలు సందర్శించి దీక్షలో పాల్గొన్న వారిని అభినందించారు. వారు మాట్లాడుతూ, ఒంటిమిట్టకు కడప జిల్లాతో చారిత్రక, సాంస్కృతిక, పరిపాలనా పరమైన బలమైన అనుబంధం ఉందని, దాన్ని విస్మరించి తీసుకునే ఏ నిర్ణయమైనా ప్రజావ్యతిరేకమేనని స్పష్టం చేశారు. ఒంటిమిట్ట ప్రజల న్యాయమైన డిమాండ్‌ను ప్రభుత్వం గౌరవించాల్సిందేనని వారు హెచ్చరించారు.
నినాదాలతో దద్దరిల్లిన దీక్షా శిబిరం
దీక్షా ప్రాంతమంతా «వద్దురా… వద్దురా… రాయచోటి వద్దురా…», «ఒంటిమిట్ట కడప జిల్లాకే కావాలి», «ప్రజల మాటే తుది తీర్పు» వంటి నినాదాలతో మార్మోగింది. ఈ నినాదాలు విన్న ప్రతి ఒక్కరి గుండెల్లో ఒంటిమిట్ట పట్ల ఉన్న అనుబంధం, ఆవేదన స్పష్టంగా కనిపించింది. ఈ ఉద్యమం ఇక వ్య‌క్తిగతమైంది కాదని, సామూహిక ప్రజా ఉద్యమంగా మారిందని పరిసర ప్రాంతాల్లో చర్చ జరుగుతోంది.
డిమాండ్లు నెరవేర్చే వరకు పోరాటం
జేఏసీ నాయకులు మాట్లాడుతూ, ప్రభుత్వం నుంచి స్పష్టమైన ప్రకటన వచ్చేవరకు ఈ రిలే నిరాహార దీక్షలు ఆగవని తెలిపారు. అవసరమైతే రాస్తారోకోలు, బంద్‌లు, మహాధర్నాలు వంటి తదుపరి దశ ఉద్యమాలకు కూడా సిద్ధంగా ఉన్నామని స్పష్టంచేశారు. ఒంటిమిట్ట, సిద్ధవటం మండలాలు ఎట్టి పరిస్థితుల్లోనూ కడప జిల్లాలోనే కొనసాగాలని తమ లక్ష్యమని, ప్రజలే తమ బలమని వారు ధీమా వ్యక్తం చేశారు. అలాకానిపక్షంలో రాజంపేట జిల్లా కేంద్రం చేయాలని స్పష్టమైన డిమాండ్ చేశారు.