హాట్ టాపిక్ గా మారిన కాంతార హీరో రెమ్యూనరేషన్!
తెలుగు స్టార్స్ కంటే ఎక్కువ పారితోషికం తీసుకుంటున్న రిషబ్!

'కాంతార' సినిమాలతో పాన్ ఇండియా ఇమేజ్ సొంతం చేసుకున్నాడు కన్నడ స్టార్ రిషబ్ శెట్టి (రిషబ్ శెట్టి). తెలుగు రాష్ట్రాల్లోనూ మంచి గుర్తింపు తెచ్చుకున్నాడు. తెలుగు మార్కెట్ ని మరింత పెంచుకునే పనిలో ఉన్న రిషబ్.. ప్రస్తుతం తెలుగులో రెండు సినిమాలు చేస్తున్నాడు. ఆ సినిమాల కోసం రిషబ్ అందుకుంటున్న రెమ్యూనరేషన్ ఇప్పుడు హాట్ టాపిక్ గా మారింది. అది కొందరు తెలుగు స్టార్స్ కంటే ఎక్కువ కావడం విశేషం. (రిషబ్ శెట్టి రెమ్యూనరేషన్)

కొన్నేళ్ల క్రితం వరకు కన్నడ సినిమా మార్కెట్ చాలా చిన్నది. అందుకే బడ్జెట్‌లు, రెమ్యూనరేషన్‌లు చాలా తక్కువగా ఉంటాయి. కేజీఎఫ్, కాంతార సినిమాల తర్వాతనే కన్నడ ఇండస్ట్రీ రేంజ్ పెరుగుతూ వస్తోంది. అయితే అక్కడ భారీ బడ్జెట్ సినిమాలు ఎక్కువగా రూ.100 కోట్లకు అటూఇటూగా తెరకెక్కుతుంటాయి. అలాంటిది ఇప్పుడు రిషబ్ శెట్టి ఒక్కో సినిమాకి రూ.80 కోట్ల రెమ్యూనరేషన్ తీసుకుంటున్నాడన్న వార్త సంచలనంగా మారింది.

రిషబ్ శెట్టి చేతిలో రెండు తెలుగు సినిమాలు ఉన్నాయి. ప్రశాంత్ వర్మ దర్శకత్వంలో మైత్రి మేకర్స్ నిర్మిస్తున్న 'జై హనుమాన్' ఒకటి కాగా, అశ్విన్ గంగరాజు దర్శకత్వంలో సితార ఎంటర్టైన్మెంట్ మూవీ మరొకటి. 'కాంతార-2' భారీ విజయాన్ని అందుకోవడంతో.. ఇప్పుడు రిషబ్ ఒక్కో ఫిల్మ్ కి రూ.80 కోట్లు డిమాండ్ చేస్తున్నాడట. ప్రస్తుతం రిషబ్ పాన్ ఇండియా ఇమేజ్ ని దృష్టిలో పెట్టుకొని మొత్తం నిర్మాతలు కూడా ఓకే చెప్పినట్లు టాక్. ఈ సినిమాలు కూడా హిట్ అయితే రిషబ్ రెమ్యూనరేషన్ వంద కోట్లు దాటుతుంది అనడంలో డౌట్ లేదు.

కన్నడ హీరోలలో ఇదే అత్యధిక పారితోషికం అని. అంతేకాదు తెలుగులోనూ ఒకరిద్దరు పాన్ ఇండియా హీరోలను తీస్తే.. వంద కోట్లకు పైగా రెమ్యూనరేషన్ తీసుకుంటున్న వారు దాదాపు లేరు. అలాంటిది ఇప్పుడు కన్నడ హీరో రిషబ్, తెలుగులో ఈ స్థాయి పారితోషికం అందుకోవడం సంచలనంగా మారింది.

ఇది కూడా చదవండి: మార్కో డైరెక్టర్ తో బాలయ్య.. మాస్ సంభవం!