v
VRM మీడియా న్యూస్
సత్తుపల్లి ప్రతినిధి
ఖమ్మం జిల్లా
09-03-2026 (సోమవారం): పెనుబల్లి ప్రభుత్వ ఆసుపత్రిలో లంకాసాగర్ ప్రాథమిక ఆరోగ్య కేంద్రం ఆధ్వర్యంలో నిర్వహించిన HPV వ్యాక్సిన్ పంపిణీ కార్యక్రమాన్ని సత్తుపల్లి నియోజకవర్గం ఎమ్మెల్యే డాక్టర్ మట్టా రాగమయి దయానంద్ ప్రారంభించారు.
ఈ సందర్భంగా ఎమ్మెల్యే మాట్లాడుతూ గర్భాశయ ముఖద్వార క్యాన్సర్ నివారణ కోసం 14 ఏళ్ల బాలికలకు హ్యూమన్ పాపిలోమా వైరస్ (HPV) టీకా ఇవ్వడానికి తెలంగాణ రాష్ట్ర వైద్య ఆరోగ్య శాఖ ప్రత్యేక కార్యక్రమాన్ని ప్రవేశపెట్టిందన్నారు. ఈ కార్యక్రమంలో భాగంగా ఎమ్మెల్యే స్వయంగా బాలికలకు టీకా వేశారు.
ఈ కార్యక్రమంలో సత్తుపల్లి మున్సిపల్ చైర్మన్ మహమ్మద్ రెహనా కమల్ పాషా, సత్తుపల్లి మున్సిపల్ వైస్ చైర్మన్ బొంతు సుమలత వేణు, పెనుబల్లి మండలం కాంగ్రెస్ పార్టీ అధ్యక్షులు పంది వెంకటేశ్వరరావు, మండల నాయకులు, కార్యకర్తలు, వైద్య అధికారులు తదితరులు పాల్గొన్నారు.
