*"VRM మీడియా ప్రతినిధి అయినవిల్లి భద్రం

సమాజ సేవలో ప్రతి ఒక్కరూ భాగస్వాములు కావాలి :

-- సమాజంలో వివిధ వర్గాలకు అందించిన సేవలకు గాను.. ఎమ్మెల్యే బలరామకృష్ణకు అత్యుత్తమ పురస్కారం

-- రాష్ట్ర ప్రభుత్వం ప్రారంభించిన పీ -4 కార్యక్రమంలోకి ఎమ్మెల్యే బత్తుల బల రామకృష్ణ సేవలు

-- జిల్లా ఇన్చార్జి మంత్రి నిమ్మల రామానాయుడు, కలెక్టర్ కీర్తి చేకూరి చేతుల మీదుగా ఎమ్మెల్యే బలరామకృష్ణకు సత్కారం, ప్రశంసా పత్రం

సమాజంలో పేదరికం తగ్గించి.. బంగారు కుటుంబాలను తయారు చేయడానికి ప్రతి ఒక్కరు పి --4 కార్యక్రమంలో భాగస్వాములు కావాలి

-- ఎమ్మెల్యే బత్తుల రామకృష్ణ పిలుపు

👉 సమాజంలో వివిధ వర్గాల ప్రజలకు రాజానగరం ఎమ్మెల్యే బత్తుల బలరామకృష్ణ అందిస్తున్న సేవలకు గాను రాష్ట్ర ప్రభుత్వం "ఉత్తమ మార్గదర్శి" అవార్డుతో పాటు ప్రశంసా పత్రం అందించి ఘనంగా సత్కరించింది. 2025 ఉగాది రోజున ప్రారంభమైన పి --4 కార్యక్రమం లో భాగంగా సమాజంలో ఆర్థికంగా ఉన్నత స్థితిలో ఉన్నవారు.. పేద వర్గాల ప్రజలను ఆదుకోవాలి. ఎమ్మెల్యే బత్తుల బల రామకృష్ణ 2024 ఎన్నికలకు రెండేళ్లు ముందు నుంచే అనేక సమాజసేవ కార్యక్రమాలకు శ్రీకారం చుట్టి ఇప్పటికే కొనసాగిస్తున్నారు.

👉ముఖ్యంగా ప్రజలకు అత్యవసర వైద్య సేవలను సకాలంలో అందించే అంబులెన్స్ సర్వీస్ చేయవలెను అందుబాటులోకి తీసుకొచ్చారు. దీంతోపాటు రాజానగరం నియోజకవర్గంలో నిరుపేద వర్గ ప్రజలకు విద్య, వైద్యం, ఇతర అవసరాలకు ఆర్థికంగా చేయూతనిస్తూ వచ్చారు..
👉ముఖ్యంగా తన సొంత నిధులతో 3 అంబులెన్స్ లను కొని.. సీతానగరం కోరుకొండ రాజానగరం మండలాల్లో ప్రజలకు సేవలు అందిస్తున్నారు అంతేకాకుండా కోవిడ్ సమయంలో ప్రజలకు మందులు, నిత్యవసర సరుకులు పంపిణీ చేశారు. ఇక ప్రకృతి వైపరీత్యాల సమయంలో ప్రజలకు అందుబాటులో ఉండి.. వారిని అన్ని విధాలా ఆదుకున్నారు.
👉తెలుగు రాష్ట్రాలను గడగడలాడించిన మొందా తుఫాన్ సమయంలో తూర్పుగోదావరి జిల్లాతో పాటు విజయవాడలోనూ ఎమ్మెల్యే బత్తుల బలరామకృష్ణ తన సతీమణి బత్తుల వెంకటలక్ష్మితో కలిసి అక్కడ బాధితులకు నిత్యవసర సరుకులు, మంచినీరు అందించారు. ఈ సేవలను గుర్తించిన రాష్ట్ర ప్రభుత్వం ఆయనకు మొందా ఫైటర్ అవార్డును ముఖ్యమంత్రి చంద్రబాబు అందించి ఘనంగా సత్కరించింది.
👉తాజాగా ముఖ్యమంత్రి చంద్రబాబు నాయుడు ప్రతిష్టాత్మకంగా చేపట్టిన పీ --4 కార్యక్రమం లో ఎమ్మెల్యే బత్తుల బలరామకృష్ణ చేసిన సేవలను పరిగణలోకి తీసుకున్నారు. ఉత్తమ మార్గదర్శి అవార్డు అందించి సత్కరించింది.

👉 ఉత్తమ మార్గదర్శి అవార్డు అందుకున్న సందర్భంగా ఎమ్మెల్యే బత్తుల బలరామకృష్ణ మాట్లాడుతూ సమాజంలో ప్రతి ఒక్కరు నిరుపేదలను ఆదుకోవడానికి ముందుకు రావాలని పేర్కొన్నారు. రాష్ట్ర ప్రభుత్వం చేపట్టిన పీ --4 కార్యక్రమంలో భాగస్వాములు కావాలని పిలుపునిచ్చారు.

👉 జాబ్ మేళాల ద్వారా నిరుద్యోగ యువతకు సుమారు 900 మందికి పైగా ఉద్యోగ ఉపాధి అవకాశాలు కల్పించారు. అగ్ని ప్రమాదాల సమయంలో బాధిత కుటుంబాలను పరామర్శించి వారికి అండగా నిలిచారు.
👉తమ సొంత నిధులతో ఆర్థిక సహాయాలు అందించారు. రోడ్డు ప్రమాదాల్లో గాయపడిన వారికి ధైర్యంగా నిలబడి.. ఆర్థికంగా అదుకున్నారు. ఇదే కాదు.. ఎంతో మంది నిరుపేద విద్యార్థులకు విద్య నిమిత్తం ఆర్థిక సాయం అందించారు.