భారతదేశం

ఓయ్-చంద్రశేఖర్ రావు

నవీకరించబడింది: గురువారం, ఏప్రిల్ 2, 2026, 14:34 [IST]

నాలుగు రాష్ట్రాలు, కేంద్రపాలిత ప్రాంతం పుదుచ్చేరి అసెంబ్లీ ఎన్నికల తేదీలను కేంద్ర ఎన్నికల కమిషన్ ప్రకటించింది. ఏప్రిల్ 9వ తేదీన కేరళ, అదే నెల 23వ తేదీన తమిళనాడు అసెంబ్లీకి ఎన్నికలు జరుగుతున్నాయి. ఒకేదశలో ఇవి ముగుస్తాయి. మే 4వ తేదీన ఓట్లను లెక్కిస్తారు. ఈ వివరాలను ఎన్నికల కమీషన్ ప్రకటించింది. ఎన్నికలు ఎదుర్కుంటున్న నాలుగు రాష్ట్రాల్లో పశ్చిమ బెంగాల్ కూడా ఉంది.

ఈ పరిణామాల మధ్య అసెంబ్లీ అసెంబ్లీ ఎన్నికలపై సర్వేలు వెలుగులోకి వస్తున్నాయి. వివిధ ప్రీపోల్ సంస్థలు తమ అంచనాలను వెల్లడిస్తున్నాయి. ప్రత్యేకించి ఈ ఎన్నికల్లో మాస్ హీరో విజయ్ ఎంట్రీ ఇస్తోండడంతో అంచనాలు మారిపోతున్నాయి. తలకిందులు అవుతున్నాయి. తాజాగా సివిక్ పోల్ అనాలసిస్ కమిటీ (సీప్యాక్) తాజాగా తమిళనాడు అసెంబ్లీపై తన అంచనాలను విడుదల చేసింది. డీఎంకే, అన్నా డీఎంకే, టీవీకే.. తమ అభ్యర్థుల జాబితాను విడుదల చేసిన తర్వాత ఈ సర్వేను నిర్వహించడం ప్రాధాన్యతను సంతరించుకుంది.

ఈ సర్వే ప్రకారం చూసినా డీఎంకే ఆధిపత్యం ఖాయంగా మారింది. ముఖ్యమంత్రి స్టాలిన్ సారథ్యంలోని అధికార పార్టీ వరుసగా రెండోసారి ప్రభుత్వాన్ని నిలబెట్టుకోనుంది. 2021నాటి ఎన్నికల్లో డీఎంకే- కాంగ్రెస్ కూటమి స్వీపింగ్ విక్టరీ సాధించిన విషయం తెలిసిందే. డీఎంకే సొంతంగా 133 సీట్లు. మొత్తంగా 159 సీట్లు కూటమి గెలుచుకుని స్టాలిన్ ప్రభుత్వాన్ని ఏర్పాటు చేశారు. ఇప్పుడు కూడా అదే స్థాయిలో సీట్లను డీఎంకే కూటమి దక్కించుకుంటుందని సీప్యాక్ అంచనావేసింది.

దీనికి గల అవకాశాలను సీప్యాక్ శాస్త్రీయబద్ధంగా తెలిసింది. గత ఎన్నికల మేనిఫెస్టోలో పొందుపరిచిన హామీలు దాదాపుగా అమలు చేయడం అతి పెద్ద ప్లస్ పాయింట్ అవుతుందని అభిప్రాయపడింది. హామీలను అమలు చేయడమే కాకుండా, క్షేత్రస్థాయిలో చిట్టచివరి లబ్దిదారుడి వరకూ వాటిని దాదాపుగా చేర్చగలిగిన విషయం తమ సర్వేలో ప్రతిఫలించడాన్ని గుర్తించింది. ఈ అంచనాకు అనుగుణంగా డీఎంకే ఎన్నికల గుర్తు ఉదయించే సూర్యుడు ఇప్పుడు కూడా ప్రకాశించడానికి ప్రధాన కారణం.

లాక్ డౌన్‌లోడ్ కష్టకాలంలో స్టాలిన్ ప్రభుత్వం ప్రజలకు అసాధారణ సౌకర్యాలను అందించింది, అమ్మ క్యాంటీన్ల ద్వారా పట్టణ పేదల ఆహార భద్రత కల్పించిందని సీప్యాక్. అలాగే రైతు-కేంద్రీకృత విధానాలు, త్వరిత ఫిర్యాదుల పరిష్కారంతో వ్యవసాయ రంగానికి ప్రభుత్వం అధిక ప్రాధాన్యతను ఇచ్చింది. దీనితో పాటు రాష్ట్రమంతటా 24/7 విద్యుత్ సరఫరాను అందించడం వల్ల రైతులు, చిన్న తరహా పరిశ్రమలు, ఎంఎస్ఎంలు.. ఇలా అన్ని వర్గాల ప్రజలు సంతోషంగా ఉన్నారు.

చిన్న, వీధి వ్యాపారులు, గ్రామీణ, సూక్ష్మ, మధ్య స్థాయి పరిశ్రమలకు ఆర్థిక ప్రోత్సాహకాలు, రాయితీలను ప్రభుత్వం కల్పించింది. నగరాలు, పట్టణ మౌలిక సదుపాయాలు, వాటి అభివృద్ధికి పెద్ద ఎత్తున నిధులు కేటాయించడం, అవి క్షేత్రస్థాయిలో అమలు కావడం వంటి చర్యలు డీఎంకే.. విజయానికి బాటలు వేస్తాయి. సినీ కార్మికులకు అవసరమైన అంచనాలు, సంక్షేమ పథకాలు అమలు చేయడం వల్ల కనిపించట్లేదని వేసింది.