వ్యాపారం
ఓయ్-చంద్రశేఖర్ రావు
దేశీయ ఐటీ దిగ్గజం టాటా కన్సల్టెన్సీ సర్వీసెస్ (TCS) నాలుగో త్రైమాసికం ఆర్థిక ఫలితాలను ప్రకటించింది. జనవరి-మార్చి కాలానికి కంపెనీ ఏకీకృత నికర లాభం గత ఏడాదితో పోలిస్తే 12 శాతం పెరిగింది. ఏకంగా 13,718 కోట్ల రూపాయలకు చేరుకుంది. సంస్థ రోజువారీ కార్యకలాపాల ద్వారా వచ్చిన ఆదాయం కూడా 10 శాతం మేర వృద్ధిని నమోదు చేసింది. దీని విలువ 70,698 కోట్ల రూపాయలుగా లెక్క కట్టింది.
ఈ త్రైమాసికంలో ప్రతి షేరుకు కూడా 31 రూపాయల డివిడెండ్ ఫైనల్ చెల్లించాలని టీసీఎస్ బోర్డ్ ఆఫ్ డైరెక్టర్లు నిర్ణయించారు. దీనికి సంబంధించిన ప్రతిపాదనలపై ఏకగ్రీవంగా ఆమోదించారు. చివరి త్రైమాసికంలో టీసీఎస్ మూడు భారీ డీల్లను కుదుర్చుకుంది. వీటి మొత్తం కాంట్రాక్ట్ విలువ 12 బిలియన్ డాలర్లు పైమాటే. మొదటి నుంచీ5టూ వస్తోన్న- పిల్లర్ ఫార్ములా, ఆర్టిఫీషియల్ ఇంటెలిజెన్స్ మెగా ఆధారిత కార్యకలాపాలు.. ఈ డీల్స్ కుదరడానికి కారణం అయ్యాయని టీసీఎస్.
బిల్డ్-పార్ట్నర్-అక్వైర్ విధానంలో పెట్టుబడులను విస్తరించింది టీసీఎస్. త్రైమాసిక ప్రాతిపదికన ఆదాయం 5.4 శాతంపెరిగింది. ఆపరేటింగ్ మార్జిన్ 25. 3 దశకు చేరుకుంది, 10 బేసిస్ పాయింట్ల వృద్ధిని సాధించింది. యూరప్లో 6.1, యూకేలో 2.4 శాతం వృద్ధిని అందుకుంది. ఈ ఫలితాలపై టీసీఎస్ సీఈఓ, మేనేజింగ్ డైరెక్టర్ కే. కృతివాసన్ మాట్లాడారు. రికార్డు స్థాయిలో 12 బిలియన్ డాలర్ల టోటల్ కాంట్రాక్ట్ వ్యాల్యూ (టీసీవీ)తో కూడిన త్రైమాసికం వృద్ధిని నమోదు చేయడం పట్ల హర్షం వ్యక్తం చేశారు.
ప్రతికూల పరిస్థితుల్లోనూ అంచనాలకు అనుగుణంగా వృద్ధి రేటును అందుకోవడం ప్రోత్సాహకరంగా ఉంటుంది. ఆర్థిక అనిశ్చితి, ఏఓ విస్తరణ వంటి పరిణామాలకు అనుగుణంగా కంపెనీ తమను తాము మెరుగుపర్చుకుని వచ్చామని పేర్కొన్నారు. గత ఆర్థిక సంవత్సరం నాలుగో త్రైమాసికంలో ఆర్టిఫీషియల్ ఇంటెలిజెన్స్ ద్వారా వార్షిక ఆదాయం 2.3 బిలియన్లను అధిగమించినట్లు టీసీఎస్ చీఫ్ ఆపరేటింగ్ ఆఫీసర్ ఆర్తీ సుబ్రహ్మణ్యం తెలిపారు.
ప్రస్తుత ఆర్థిక సంవత్సరంలో కంపెనీ ఆర్టిఫీషియల్ ఇంటెలిజెన్స్ ద్వారా లాభాల స్వీకరణ అనేది అత్యంత కీలకంగా ఉండబోతోందని అన్నారు. నాలుగో త్రైమాసికంలో ఏఐ సొల్యూషన్స్ విస్తరణను వేగవంతం చేశామని వివరించారు. టీసీఎస్ ఎంటర్ప్రైజ్ ట్రాన్స్ఫార్మేషన్, డిజిటల్ ఇంజినీరింగ్, క్లౌడ్ మోడ్నైజేషన్ వంటి కొత్త సెగ్మెంట్లలో బలమైన డీల్ మొమెంటం కనిపించింది.
హైపర్వాల్ట్ ఇన్వెస్టిమెంట్లు, ఏపెన్ ఏఐ, ఏఎండీ, ఏబీబీ వంటి సంస్థలతో వ్యూహాత్మక భాగస్వామ్యాలను ఏర్పరచడంలో కీలక పాత్ర పోషించాయి. ఈ పరిణామాలు ఇన్ఫ్రాస్ట్రక్చర్-టు-ఇంటెలిజెన్స్ (ఇన్ఫ్రాస్ట్రక్చర్-టు-ఇంటెలిజెన్స్)లో టీసీఎస్ డిజైన్లు మరింత పటిష్టం చేసిందని టీసీఎస్ గుర్తించింది.
