తెలంగాణ

ఓయ్-సాయి చైతన్య

ప్రచురించబడింది: శుక్రవారం, ఏప్రిల్ 10, 2026, 11:16 [IST]

తెలంగాణ ప్రభుత్వం మరో కీలక నిర్ణయం తీసుకుంది. రైతు రెండో విడత నిధుల విడుదల పైన అప్డేట్ ఇచ్చింది. సుదీర్ఘ నిరీక్షణ తరువాత తొలి విడత నిధులు విడుదల చేసిన ప్రభుత్వం .. రెండో విడత కోసం నిధులు సమకూరుస్తోంది. నిధుల జమ ముహూర్తం ఖరారు చేసింది. అయితే, రెండో విడతలో ఎవరికి నిధులు జమ కానున్నాయనేది స్పష్టత వస్తోంది. అదే విధంగా ఈ నెలలోనే మూడో విడత నిధులను పూర్తిగా జమ చేసేందుకు కసరత్తు జరుగుతోంది.

రైతు భరోసా రెండో విడత కోసం ప్రభుత్వం నిధులు సిద్ధం చేస్తోంది. ఇప్పటికే మొదటి దఫా నిధులను రైతుల ఖాతాల్లో జమ చేసినప్పటికీ రెండో విడత కోసం వారు ఉన్నారు. యాసంగి పంటలు చేతికొచ్చే సమయం దగ్గర పడుతుండడంతో త్వరగా ఈ నెలలోనే పంపిణీ చేయాలన్న ఆలోచన ఉంది. యాసంగి సీజన్‌ రైతు భరోసా నిధులను మూడు దఫాలుగా జమ ప్రభుత్వం ఇదివరకే ప్రకటించింది. మొదటి దఫా నిధులను గత నెల 23న రైతుల ఖాతాల్లో జమ చేసింది. మొత్తం 68,89,955 మంది రైతులకు ఒక ఎకరంలోపు సొమ్మును వేసింది. 57,44,907.19 ఎకరాలకు మొత్తం రూ.3,446.94 కోట్లు జమ చేసింది. రెండో దశ నిధులను ఈ నెల 22లోపు, మూడో దఫా నిధులను ఈ నెలాఖరుకల్లా వేస్తామని ప్రభుత్వం ప్రకటించింది. ఈ మేరకు నిధులు సమకూరుస్తున్నాయి.

నెలాఖరులోగా నిధులు జమ చేసేలా కసరత్తు

కాగా.. రాష్ట్ర ప్రభుత్వానికి జీఎస్టీ, ఎక్సైజ్‌ సుంకాలు, అమ్మకం పన్ను, స్టాంపులు-రిజిస్ట్రేషన్ల ద్వారా ప్రతి నెలా ఆదాయం సమకూరు వస్తుంది. రైతు భరోసా కోసం మార్కెట్ నుంచి రుణాలను పెద్ద మొత్తంలో సేకరిస్తున్నట్లు చూపుతున్నారు. ఈ నెల 7న ఒకేసారి రూ.3,900 కోట్లు రుణం తీసుకుంది. ఈ నెల 21న మరో రూ.3,000 కోట్లు అప్పు తీసుకోనుంది. ఇలా మొత్తం రూ.6,900 కోట్లు ఖజానాలో ఉంటాయని తెలుస్తోంది. వాటి నుంచి రెండో దఫా రైతు భరోసాకు కొంతమేర నిధులు బదలాయించే అవకాశాలున్నట్లు తెలిసింది. రెండో దఫా కింద ఐదెకరాల వరకు సొమ్ము జమ చేయాల్సిన సమాచారం. ఇందుకు రూ.3,000 నుంచి రూ.4,000 కోట్లు అవసరమవుతాయని అంచనా. మూడో దఫాను నెలాఖరు లోగా జమ చేసే అవకాశాలున్నాయి. వాస్తవానికి రైతు భరోసా స్కీమ్‌ను ఒక సీజన్‌లో అమలు చేయడానికి రూ.9 వేల కోట్లు అవసరం.

ఆంగ్ల సారాంశం

5 ఎకరాల వరకు రైతులకు ఈ నెల 22న రుతీ బహ్రోసా నిధులు విడుదల చేయాలని తెలంగాణ ప్రభుత్వం యోచిస్తోంది.