ఆంధ్ర ప్రదేశ్

ఓయ్-చంద్రశేఖర్ రావు

ప్రచురించబడింది: సోమవారం, ఏప్రిల్ 13, 2026, 6:50 [IST]

శ్రీ వేంకటేశ్వర స్వామివారి దర్శనార్థం తిరుమలకు విచ్చేసే లక్షలాది మంది భక్తులకు తగిన సేవలు టీటీడీ విస్తృత స్థాయిలో లగేజీ డిపాజిట్, డెలివరీ కేంద్రాలను ఏర్పాటు చేసి అమలు చేస్తోంది. భక్తుల దర్శనం, సేవలు, కాలినడక యాత్ర సమయంలో తమతో తీసుకువచ్చే లగేజీ, బ్యాగులు, సెల్ ఫోన్లను భద్రంగా ఉంచుకునేందుకు తిరుమలతో పాటు కాలినడక మార్గాల్లో కలిపి మొత్తం 80 కౌంటర్లు అందుబాటులో ఉన్నాయి. మొత్తం 394 మంది సిబ్బంది మూడు షిప్టుల్లో నిరంతరంగా సేవలందిస్తున్నారు.

అలిపిరి, శ్రీవారి మెట్టు కాలినడక మార్గాల ద్వారా తిరుమలకు చేరుకునే భక్తుల కోసం ప్రత్యేక డిపాజిట్ కేంద్రాలు ఏర్పాటు చేశారు. అలిపిరి వద్ద ఏడు ఏడు 7 కౌంటర్లు ఉన్నాయి. ఇక్కడ 46 మంది సిబ్బంది మూడు షిఫ్ట్‌లలో పని చేస్తున్నారు. ఒకేసారి 10,194 లగేజీలను డిపాజిట్ చేయవచ్చు. శ్రీవారి మెట్టు వద్ద రెండు కౌంటర్లు ఉన్నాయి. ఇక్కడ 3,025 లగేజీలను డిపాజిట్ చేయవచ్చు. ఆయాలలో లగేజీ డిపాజిట్ చేసిన కౌంటర్ భక్తులు తిరుమలలోని డెలివరీ కేంద్రాల్లో సులభంగా తిరిగి పొందే సౌకర్యాన్ని టీటీడీ కల్పించింది.

తిరుమలలో.. ఫ్రీ హాల్- 10, వైకుంఠం క్యూకాంప్లెక్స్- 2 కౌంటర్లు, నారాయణగిరి షెడ్ - 8, డీడీ హాల్- 3, రూ.300 హాల్- 5, వైకుంఠం క్యూ కాంప్లెక్స్ అప్ స్కానింగ్- 2 అందుబాటులో ఉన్నాయి. మూడు షిఫ్టుల్లో ఇక్కడ సిబ్బంది విధి నిర్వహణలో ఉన్నారు. తలనీలాలు సమర్పించే భక్తుల సౌకర్యార్థం కల్యాణకట్ట సమీపంలో కూడా ప్రత్యేక కేంద్రాలను టీటీడీ ఏర్పాటైంది. కేకేసీ 1, 2, 3- 3 కౌంటర్లు ఉన్నాయి. సుపథం కౌంటర్, సీనియర్ సిటిజన్ / దివ్యాంగులు, వాసి-1 మెయిన్ గేట్ వద్ద ఒక్కో లగేజీ కౌంటర్ అందుబాటులో ఉంది.

డిపాజిట్ చేసిన లగేజీని తిరిగి పొందేందుకు పలుచోట్ల డెలివరీ కేంద్రాలు ఉన్నాయి. జీఎన్సీ వద్ద అలిపిరి ఫుట్‌పాత్ డెలివరీ- 5, శ్రీవారి మెట్టు, పీఏసీ-4, 1- 4 కేంద్రాలు- 16 కౌంటర్లు, 4, 5, 7, 8 కేంద్రాల వద్ద నాలుగు చొప్పున లగేజీ డెలివరీ కౌంటర్లను టీటీడీ ఏర్పాటు చేసింది. భక్తులు తమ లగేజీని డిపాజిట్ చేసే సమయంలో సిబ్బంది ఫేస్ రికగ్నిషన్ టెక్నాలజీ ద్వారా క్యూఆర్ కోడ్ జెనరేటర్ చేసి బ్యాగుపై కోడ్ స్కిక్కర్ వేస్తారు.

ఆ తర్వాత లగేజీకి సంబంధించిన సమాచారంతో ఒక స్లిప్ జెనరేట్ చేసి భక్తులకు అందిస్తారు. డిపాజిట్ డెలివరీ సమయంలో డెలివరీ సెంట్రల్ ఆ స్లిప్ సిబ్బందికి చూపితే ఆ నెంబర్ ఆధారంగా లగేజీని సులభంగా గుర్తించి వెంటనే లగేజీని భక్తులకు అందిస్తారు. ఈ ఏడాది జనవరిలో అత్యధికంగా 10,44,268 డిపాజిట్లు నమోదయ్యాయి. ఇక్క రథసప్తమి నాడే అత్యధికంగా 1,34,749 డిపాజిట్ అయ్యాయి.