టాలీవుడ్ టాలెంటెడ్ హీరో అడివి శేష్ (అడివి శేష్) అంటే మనకు వెంటనే గుర్తొచ్చేది థ్రిల్లర్ సినిమాలు. 'క్షణం', 'గూఢచారి', 'మేజర్' వంటి చిత్రాలతో తనకంటూ ఒక ప్రత్యేక గుర్తింపు తెచ్చుకున్న శేష్, ఇటీవల 'డెకాయిట్' మూవీతో ప్రేక్షకులను పలకరించారు. అయితే వెండితెరపై ఎంతో కాన్ఫిడెంట్‌గా కనిపించే ఈ హీరో నిజ జీవితంలో మాత్రం తీరని గుండె కోతను అనుభవించారని తాజాగా ఉంచారు. తన గత ప్రేమ కథల గురించి శేష్ పంచుకున్న విషయాలు ఇప్పుడు నెట్టింట వైరల్ అవుతున్నాయి.

అమెరికాలో మొదలైన ప్రేమ ప్రయాణం
సినిమాల్లోకి రాకముందు అడివి శేష్ అమెరికాలో ఉండేవారన్న సంగతి తెలిసిందే. అక్కడ తన 17 ఏళ్ల వయసులోనే తొలిసారి ప్రేమలో పడ్డారట. ఒక ఇంటర్వ్యూలో తన 'బిట్టర్ స్వీట్ పెయిన్' గురించి వివరిస్తూ.. అమెరికాలో ఇద్దరు అమ్మాయిలతో ప్రేమలో పడ్డానని, కానీ ఆ రెండు కథలు కూడా విషాదాంతమయ్యాయని ఆవేదన వ్యక్తం చేశారు.

పుట్టినరోజే ఆ చేదు వార్త..
మొదటి ప్రేమ గురించి చెబుతూ.. "నా పుట్టినరోజు నాడే నేను ప్రేమించిన అమ్మాయి మరొకరిని పెళ్లి చేసుకుంది. ఆ వార్త విన్నాక నేను తట్టుకోలేకపోయాను. ఇప్పటికీ నా బర్త్ డే రోజు అందరూ విష్ చేస్తుంటే నాకు ఆ సంఘటనే గుర్తొస్తుంది" అని చెప్పుకొచ్చారు. ఆ బాధ నుంచి కోలుకోవడానికి తనకు చాలా సమయం పట్టిందని ఆయన భావోద్వేగానికి లోనయ్యారు.

మరొకరి అకాల మరణం..
రెండో ప్రేమ కథ కూడా శేష్‌కు కన్నీళ్లే మిగిల్చింది. ఆయన ప్రేమించిన మరో అమ్మాయి అకాల మరణం చెందడం శేష్‌ను తీవ్రంగా కుంగదీసింది. వరుసగా ఎదురైన ఈ చేదు అనుభవాలు తనను మానసికంగా ఎంతో ఇబ్బంది పెట్టాయని ఆయన చెప్పారు.

"అడివి శేష్ జీవితంలో ఇంతటి విషాదమా?" అంటూ అభిమానులు సోషల్ మీడియాలో పోస్టులు పెడుతున్నారు. తన గుండెల్లో ఇంతటి బాధను దాచుకుని కూడా ప్రేక్షకులను అలరిస్తున్న ఆయన ధైర్యానికి నెటిజన్లు ఫిదా అవుతున్నారు.

[embed]https://www.youtube.com/watch?v=TCCzu-2xiT0[/embed]