తెలుగు సినిమా ఇండస్ట్రీలో స్టార్ హీరోలు కాస్త బ్రేక్ దొరికితే చాలు ఫ్యామిలీతో కలిసి విదేశాలకు చెక్కేస్తుంటారు. ముఖ్యంగా సూపర్ స్టార్ మహేష్ బాబు తరచూ ఫ్యామిలీ వెకేషన్స్ ప్లాన్ చేస్తూ వార్తల్లో నిలుస్తున్నారు. ఇప్పుడు ఇదే బాటలో సౌత్ లేడీ సూపర్ స్టార్ నయనతార కూడా నడుస్తోంది. వరుస షూటింగ్‌లతో ఉండే ఈ బ్యూటీ, తాజాగా కుటుంబంతో కలిసి విదేశీ పర్యటనకు వెళ్లారు.

నయనతార తన భర్త, ప్రముఖ దర్శకుడు విగ్నేష్ శివన్ అలాగే తన క్యూట్ ట్విన్స్‌తో కలిసి ఈ సమ్మర్ వెకేషన్‌ను ఫుల్ గా ఎంజాయ్ చేస్తున్నారు. ప్రస్తుతం ఈ స్టార్ కపుల్ రోమ్ లోని ప్రముఖ ఆధ్యాత్మిక, చారిత్రక నగరమైన వాటికన్ సిటీలో విహరిస్తున్నారు. అక్కడ కుటుంబంతో కలిసి దిగిన కొన్ని అందమైన ఫొటోలను నయన్ తన ఇన్‌స్టాగ్రామ్ ఖాతా ద్వారా అభిమానులతో పంచుకున్నారు.

తనకు ఎంతో ఇష్టమైన ప్రదేశాలలో వాటికన్ సిటీ ఒకటి అంటూ ఈ ఫొటోలకు నయనతార ఆసక్తికరమైన క్యాప్షన్ కూడా జోడించారు. భర్త, పిల్లలతో కలిసి నయన్ చిరునవ్వులు చిందిస్తూ దిగిన ఈ క్యూట్ పిక్స్ ఇప్పుడు సోషల్ మీడియా ప్లాట్‌ఫామ్స్‌పై తెగ హల్ చల్ చేస్తున్నాయి. నెటిజన్లు, అభిమానులు ఈ ఫొటోలపై లైకులు, కామెంట్ల వర్షం కురిపిస్తున్నారు.

సినిమాల విషయానికి వస్తే.. ఈ ఏడాది సంక్రాంతి కానుకగా మెగాస్టార్ చిరంజీవి, సక్సెస్ ఫుల్ డైరెక్టర్ అనిల్ రావిపూడి కాంబినేషన్‌లో వచ్చిన బ్లాక్‌బస్టర్ మూవీలో నయనతార కథానాయికగా నటించి మెప్పించారు. ఈ చిత్రం బాక్సాఫీస్ వద్ద ఇండస్ట్రీ హిట్‌గా నిలిచిపోయింది, ఆమె కెరీర్‌లో మరో భారీ విజయాన్ని నమోదు చేసింది. ప్రస్తుతం బాలీవుడ్ తో పాటు సౌత్ లోనూ నయన్ క్రేజీ ప్రాజెక్టులతో దూసుకుపోతున్నారు.

ప్రస్తుతం కన్నడ రాకింగ్ స్టార్ యష్క్ నటిస్తున్న పాన్ ఇండియా చిత్రం 'టాసిక్' లో నయనతార ఒక కీలకమైన సోదరి పాత్రలో నటిస్తున్నారు. దీనితో పాటు నివిన్ పాలీ ప్రధాన పాత్రలో వస్తున్న మలయాళ వెబ్ సిరీస్ లోనూ, హై-వోల్టేజ్ యాక్షన్ డ్రామా 'రక్కయీ', 'మూకుత్తి అమ్మన్ 2', 'తని ఒరువన్ 2' వంటి భారీ చిత్రాలలో నటిస్తూ బిజీ షెడ్యూల్స్ గడుపుతున్నారు.

ఈ కోరికనే వచ్చిన చిన్న గ్యాప్‌ను నయన్ ఫ్యామిలీ కోసం కేటాయించడంపై సినీ సర్కిల్స్‌లో ప్రశంసలు వ్యక్తమవుతున్నాయి. నయనతార తన కుటుంబానికి ఇచ్చే ప్రాధాన్యతను చూసి ఫ్యాన్స్ మురిసిపోతున్నారు. ఈ వెకేషన్ పూర్తి కాగానే ఆమె మళ్లీ సరికొత్త ఎనర్జీతో తన తదుపరి చిత్రాల షూటింగ్‌లో జాయిన్ కానున్నారు.