మెగా పవర్ స్టార్ రామ్ చరణ్ మోస్ట్ ఎవైటెడ్ యాక్షన్ డ్రామా 'పెద్ది' దేశవ్యాప్తంగా హ్యూజ్ బజ్ క్రియేట్ చేస్తోంది. ఈ చిత్రం ఇప్పటికే అద్భుతమైన గ్లింప్స్, రెండు చార్ట్ బస్టర్ పాటలు, పవర్ ఫుల్ థియేట్రికల్ ట్రైలర్‌తో ప్రేక్షకులను మెస్మరైజ్ చేస్తోంది. బుచ్చి బాబు సానా దర్శకత్వంలో మైత్రి మూవీ మేకర్స్, సుకుమార్ రైటింగ్స్ సమర్పణలో వృద్ధి సినిమాల బ్యానర్‌పై వెంకట సతీష్ కిలారు ప్రతిష్టాత్మకంగా నిర్మించారు. పెద్ది జూన్ 4న ప్రపంచవ్యాప్తంగా ఘనంగా విడుదలైంది. జూన్ 3న ప్రత్యేక ప్రీమియర్లు ప్రదర్శించనున్నారు. ఈ చిత్రం ఏఆర్ రెహమాన్ అందించగా, శనివారం చిత్ర బృందం మూడవ పాట 'హల్లల్లల్లో' ని భోపాల్‌లో జరిగిన 'పెద్ది కి ఆవాజ్' బిగ్గెస్ట్ మ్యూజికల్ ఈవెంట్ సంగీతంలో లాంచ్ చేయబడింది. ఈ వేడుకలో ఏఆర్ రెహమాన్ ఆయన బృందం ప్రత్యక్షంగా ప్రదర్శించారు. భారీ సంఖ్యలో ప్రేక్షకులు హాజరైన ఈ వేడుక కనీవినీ ఎరుగని రీతిలో చాలా గ్రాండ్ గా జరిగింది.

'పెద్దికి ఆవాజ్' ఈవెంట్‌లో మెగా పవర్ స్టార్ రామ్ చరణ్ మాట్లాడుతూ.. నమస్కార్ భోపాల్... మధ్యప్రదేశ్ ప్రజలందరికీ నా హృదయపూర్వక నమస్కారాలు. నా మనసులో మీ అందరికీ ప్రత్యేకమైన స్థానం ఉంది. 'పెద్ది' ప్రమోషన్స్‌ను భోపాల్ నుంచి ప్రారంభించడం నాకు చాలా ఎమోషనల్‌గా అనిపిస్తోంది. మీ అందరికీ నా కృతజ్ఞతలు. 'పెద్ది' సినిమా మేము ఎంతో మనసుపెట్టి తీశాం. ప్రతి భావోద్వేగం, ప్రతి కష్టం, ప్రతి క్షణాన్ని ఈ సినిమా కోసం అంకితం చేశాం. ఈ నగరం ఎంత అందంగా ఉందో, ఇక్కడి ప్రజల మనసులు అంతకంటే అందంగా ఉన్నాయి. జూన్ 4న మీ హృదయాల్లో మాకు ఒక స్థానం కల్పించాలని కోరుకుంటున్నాను. తప్పకుండా థియేటర్లలో చూసి ఆదరించండి. రవికిషన్ గారు ఈ సినిమా గురించి ఎంతో గొప్పగా మాట్లాడారు. ఆయనకు నా ధన్యవాదాలు. 'పెద్ది' ఒక స్పోర్ట్స్ ఫిల్మ్ మాత్రమే కాదు. తన గుర్తింపు కోసం పోరాడే ఒక వ్యక్తి కథ. ఆ పోరాటం మీ హృదయాలను తాకుతుంది. మిమ్మల్ని ఆలోచింపజేస్తుంది, స్ఫూర్తిని ఇస్తుంది. సినిమా తర్వాత మళ్లీ మళ్లీ చూడాలనిపించే అనుభూతిని కలిగిస్తుంది. ప్రతి ఒక్కరికీ స్ఫూర్తినిచ్చే సినిమా ఇది. ఈ సినిమా కోసం మేమంతా ఎంత కష్టపడి, ఎంత ప్రేమతో పనిచేశామో ఆ భావన ప్రేక్షకులందరికీ చేరుతుందనే నమ్మకం ఉంది. నా కెరీర్‌లో ఎన్నో సినిమాలు చేసినప్పటికీ, నా ఫిల్మ్ లైబ్రరీలో 'పెద్ది' నంబర్ వన్ సినిమాగా నిలుస్తుంది. మా నిర్మాత సతీష్ గారికి, దర్శకుడు బుచ్చిబాబు గారికి, నా సహనటులు జాన్వీ కపూర్, దివ్యేందు, రవికిషన్ గారికి హృదయపూర్వక ధన్యవాదాలు. మా సినిమాకు అతి పెద్దగా నిలిచిన ఏఆర్ రెహమాన్ గారికి ప్రత్యేక కృతజ్ఞతలు. అలాగే మా టెక్నీషియన్స్ అందరికీ పేరుపేరునా ధన్యవాదాలు. ఈ సహకరించిన భోపాల్ ప్రజలకు, పోలీసు శాఖకు, గౌరవ మంత్రి గారికి, అలాగే ముఖ్యమంత్రి గారికి ప్రత్యేక ధన్యవాదాలు తెలియజేస్తున్నాను. భోపాల్... నేను మళ్లీ వస్తాను. 'పెద్ది' సక్సెస్ టూర్ కూడా ఇక్కడే జరుపుకుంటాం. మీరు 'ఆర్ఆర్ఆర్' చిత్రం ఎంత ప్రేమ చూపించారో, ప్రేమను 'పెద్ది'కి కూడా అందిస్తారని ఆశిస్తున్నాను. అందరికీ ధన్యవాదాలు. భారత్ మాతాకీ జై.

జాన్వీ కపూర్ మాట్లాడుతూ.. భోపాల్ ప్రజలందరికీ నమస్కారం. మీ అందరినీ కలవడం చాలా ఆనందంగా ఉంది. 'పెద్ది'లో చాలా గొప్ప సందేశం ఉంది. ఈ చిత్రంలో రామ్ చరణ్ గారితో కలిసి నటించే అవకాశం నా అదృష్టంగా, గౌరవంగా కనిపించాను. మనందరం రామ్ చరణ్ గారి అభిమానులమే. ఈ సినిమా కోసం ఆయన చూపించిన అంకితభావం, నిజాయితీ, కష్టపడి పనిచేసిన తీరు నిజంగా స్ఫూర్తిదాయకం. ప్రతి పాత్రను ఎంత నిబద్ధతతో చేస్తారో ఈ సినిమాలో కూడా అదే స్థాయిలో అద్భుతమైన పెర్ఫార్మెన్స్ ఇచ్చారు. ఏఆర్ రెహమాన్ గారు వంటి ప్రపంచ స్థాయి సంగీత దర్శకుడితో కలిసి పనిచేయడం చాలా అద్భుతమైన అనుభూతి. ఆయన సంగీతం ఈ మరింత ప్రాణం పోసింది. అలాగే బుచ్చిబాబు గారికి థాంక్ యూ. ఆయన విజన్ ఈ సినిమాను మరో స్థాయికి తీసుకెళ్లారు. 'పెద్ది' ఒక అద్భుతమైన సినిమా. జూన్ 4న మనమంతా థియేటర్లలో కలుద్దాం.

ఏఆర్ రెహమాన్ మాట్లాడుతూ.. భోపాల్ ప్రజలందరికీ నమస్కారం. మీ అందరి సమక్షంలో ఈ ప్రదర్శన ఇవ్వడం చాలా ఆనందంగా ఉంది. తెలుగు సినీ పరిశ్రమ దేశమంతటా ప్రేక్షకులను అలరిస్తుండటం గర్వంగా అనిపిస్తోంది. నేను సంగీతం అందించిన ఎన్నో చిత్రాలు తెలుగు డబ్ గా విడుదలయ్యాయి. తెలుగు ప్రేక్షకులు ఎప్పుడూ నాపై అపారమైన ప్రేమ, ఆదరణ చూపించారు. చాలా కాలంగా నేరుగా ఒక తెలుగు సినిమాకు సంగీతం అందించాలని అనుకున్నాను. 'పెద్ది' రూపంలో ఆ అవకాశం రావడం ఆనందంగా ఉంది. బుచ్చిబాబు గారు ఈ కథను చెప్పినప్పుడు ఈ కథ, ఆయనలోని ప్యాషన్ నన్ను ఎంతో ఆకట్టుకుంది. ఇప్పటికే విడుదలైన పాటలన్నీ ప్రేక్షకుల నుంచి అద్భుతమైన స్పందన రావడం సంతోషంగా ఉంది. రామ్ చరణ్ తన పర్ఫార్మెన్స్, డ్యాన్స్‌తో నా పాటలను మరో స్థాయికి తీసుకెళ్లారు. ఆయన ప్రతి మూమెంట్ వైరల్ అయింది. అలాగే జాన్వీ కపూర్ కూడా ఎంతో చక్కగా పెర్ఫార్మ్ చేశారు. ఈ ప్రేమాభిమానాలకు మీ అందరికీ హృదయపూర్వక ధన్యవాదాలు.

రవి కిషన్ మాట్లాడుతూ.. ఏఆర్ రెహమాన్ గారు వంటి లెజెండ్ సమక్షంలో ఈ వేడుక జరగడం నిజంగా అద్భుతమైన అనుభూతి. మెగా పవర్ స్టార్ రామ్ చరణ్ ఈ చిత్రంలో అద్భుతమైన నటన కనబరిచారు. అలాగే జాన్వీ కపూర్ కూడా ఎంతో చక్కగా తన పాత్రను పోషించింది. మట్టిలో నుంచి ఎదిగి, తన కలలను నిజం చేసుకోవాలని పోరాడే ఓ యువకుడి కథ ఇది. ఈ రామ్ సినిమాలో చరణ్ గారి రూపంలో మీరు ఒక గొప్ప నాయకుడిని చూస్తారు. ఆయన పాత్ర ప్రేక్షకులకు ఆశను, స్ఫూర్తిని అందిస్తుంది. ఈ సినిమా డబ్బింగ్ చెబుతున్న సమయంలో కొన్ని సన్నివేశాలు చూసి నా కళ్లల్లో నీళ్లు వచ్చాయి. ఈ సినిమాతో రామ్ చరణ్ కి నేషనల్ అవార్డు వస్తుందని ఆశిస్తున్నాను. భారతదేశంలోని ప్రతి వ్యక్తి ఈ కథతో కచ్చితంగా కనెక్ట్ అవుతాడు. 'పెద్ది' భారతదేశ యువతకు ఒక కొత్త హోప్ ని ఇచ్చే సినిమా. బుచ్చిబాబు గారు ఈ అద్భుతంగా తీర్చిదిద్దారు. నేను ఎన్నో సినిమాలు చూశాను, ఎన్నో చిత్రాల్లో నటించాను. కానీ 'పెద్ది' మాత్రం ప్రతి ప్రేక్షకుడి హృదయాన్ని తాకే సినిమా. జూన్ 4న అందరూ తప్పకుండా థియేటర్లలో ఈ వీక్షించి ఆదరించాలని కోరుకుంటున్నాను.

క్రీడలు, యువజన వ్యవహారాల మంత్రి శ్రీ విశ్వాస్ సారంగ్ మాట్లాడుతూ.. భోపాల్ ప్రజల కళాకారులను ఎంతో ప్రేమిస్తారు, గౌరవిస్తారు. రామ్ చరణ్ గారి 'పెద్ది' చిత్రం గొప్ప విజయాన్ని సాధించాలని మనస్ఫూర్తిగా కోరుకుంటున్నాను. ఈ వేడుకను భోపాల్‌లో నిర్వహించినందుకు రామ్ చరణ్ గారికి అభినందనలు. భవిష్యత్తులో ఈ చిత్ర బృందం భోపాల్‌లో కూడా షూటింగ్ నిర్వహించాలని కోరుకుంటున్నాను. మా సహకారం మీకు ఎప్పుడూ ఉంటుంది.

దివ్యేందు శర్మ మాట్లాడుతూ: ఇది నాకు ఎంతో ముఖ్యమైన సినిమా. ఈ చిత్రంతోనే నేను తెలుగు ప్రేక్షకులకు పరిచయం అవుతున్నాను. ఇంత ప్రేమ, ఆదరణ చూపించిన ప్రేక్షకులకు ధన్యవాదాలు. 'పెద్ది' ద్వారా కూడా మీ ఆశీర్వాదాలు అందుకోవాలని కోరుకుంటున్నాను. రామ్ చరణ్ గారితో కలిసి పనిచేయడం చాలా ఆనందంగా అనిపించింది. బుచ్చిబాబు గారు అద్భుతమైన సినిమా తీశారు. 'పెద్ది' చూసిన తర్వాత మీ అందరికీ మంచి ఎంటర్‌టైన్‌ లభిస్తుంది.

నిర్మాత వెంకట సతీష్ కిలారు మాట్లాడుతూ.. నమస్తే భోపాల్. నాకు ఈ నగరంతో ఎంతో ప్రత్యేకమైన అనుబంధం ఉంది. ఇంజినీరింగ్ పూర్తయ్యాక ఉద్యోగం కోసం భోపాల్ వచ్చాను. ఇక్కడ దాదాపు ఐదేళ్లు గడిపాను. అందుకే మధ్యప్రదేశ్‌ను మా రెండో ఇల్లుగా భావించాను. ఇంత పెద్ద వేడుక కోసం మళ్లీ ఇక్కడికి రావడం చాలా ఆనందంగా ఉంది. 'పెద్ది' ప్రేక్షకులకు అద్భుతమైన థియేట్రికల్ అనుభూతిని అందిస్తుంది. ఇది అన్ని కమర్షియల్ అంశాలతో కూడిన గొప్ప స్పోర్ట్స్ డ్రామా. ఈ సినిమా కోసం మేమంతా రెండేళ్ల పాటు ఎంతో కష్టపడి, ప్రాణం పెట్టి పనిచేశాం. జూన్ 4న మీ కుటుంబ సభ్యులతో కలిసి థియేటర్లలో ఈ వీక్షించి ఆదరించాలని కోరుకుంటున్నాను. ఈ విచ్చేసిన మంత్రి గారికి, అలాగే హాజరైన ప్రతి ఒక్కరికీ హృదయపూర్వక ధన్యవాదాలు.