భారతదేశం

-బొమ్మ శివకుమార్

ప్రచురించబడింది: ఆదివారం, మే 24, 2026, 23:20 [IST]

అమెరికా అధ్యక్షుడు డొనాల్డ్ ట్రంప్ ఢిల్లీలో జరిగిన ఓ కార్యక్రమంలో అకస్మాత్తుగా ప్రత్యక్షమయ్యారు. ఈ కార్యక్రమంలో యూఎస్ సెక్రటరీ ఆఫ్ స్టేట్ మార్కో రూబియో ఉంటుంది. ఈ సందర్భంగా భారత ప్రధాని నరేంద్ర మోదీకి తాను గొప్ప అభిమాని అని.. మోదీ తనకు మంచి స్నేహితుడు ట్రంప్ అని ప్రకటించారు. "మీరు మా దేశ ప్రతినిధిగా ఉండాలి సెర్గియో.. అందరికీ హాయ్ చెప్పాలనుకుంటున్నాను. నేను ప్రధానమంత్రిని ప్రేమిస్తున్నాను. మోదీ గొప్పవాడు. అతను నా స్నేహితుడు" అని అమెరికా స్వాతంత్ర్య ప్రకటన 250 వ వార్షికోత్సవం సందర్భంగా ఏర్పాటు చేసిన భారీ స్క్రీన్‌పై ట్రంప్ లైవ్‌లో మాట్లాడారు.

భారత్-అమెరికా భాగస్వామ్యం గురించి ట్రంప్ ప్రస్తావిస్తూ, తాను ప్రధాని మోడీకి "గొప్ప అభిమానిని" అని పునరుద్ఘాటించారు. భారతదేశానికి అవసరమైన ఏ సహాయం కోసమైనా అమెరికా అధ్యక్షుడుపై ఆధారపడగలదని హామీ ఇచ్చారు. "నేను ఇంతకు ముందు కూడా ఎన్నడూ లేనంతగా భారతదేశానికి చేరువుగా ఉన్నాను. భారతదేశం నన్ను, మా దేశాన్ని 100 శాతం నమ్మవచ్చు. వారికి ఏదైనా కావాలంటే, ఎవరికి కాల్ చేయాలో వారికి తెలుసు. వారు ఇక్కడికే కాల్ చేస్తారు. మేము బాగా పని చేస్తున్నాము. మేము రికార్డులు సృష్టిస్తున్నాము" అని ట్రంప్ అన్నారు.

మార్కో రూబియోను అమెరికా చరిత్రలో "గొప్ప సెక్రటరీ ఆఫ్ స్టేట్" గా కీర్తించిన ట్రంప్.. భారత్ కు అమెరికా నుండి ఏదైనా కావాలంటే అది లభిస్తుందని పేర్కొన్నారు. "మాకు రికార్డు స్థాయి ఆర్థిక వ్యవస్థ, రికార్డు స్టాక్ మార్కెట్ ఉంది. భారతదేశానికి ఏదైనా కావాలంటే, అది వారికి లభిస్తుంది. నేను ప్రధానమంత్రి మోదీకి పెద్ద అభిమానిని" అని అమెరికా అధ్యక్షుడు ప్రకటించారు.

ట్రంప్ వ్యాఖ్యలు వెలువడిన తర్వాత విదేశాంగ మంత్రి. జైశంకర్.. అమెరికా విదేశాంగ కార్యదర్శి మార్కో రూబియో ఆదివారం పలు కీలక చర్చలు జరిపారు. వాణిజ్యం, వీసాలు, ఇంధనం, సరిహద్దు ఉగ్రవాదం, పశ్చిమ ఆసియా సంఘర్షణ భద్రతపై దృష్టి సారించిన ఈ చర్చలు, ఉద్రిక్తతలకు గురైన దేశాల సంబంధాలను తిరిగి గాడిన పెట్టే ప్రయత్నంగా భావించారు.

నాలుగు రోజుల పర్యటనలో భాగంగా భారత్‌కు వచ్చిన రూబియో, ఢిల్లీని ఒక ప్రధాన శక్తిగా అభివర్ణించారు. అమెరికా-భారత్ సంబంధాలు గత రెండు దశాబ్దాలుగా ఉన్న ఊపును కోల్పోయాయనే వాదనలను ఆయన తోసిపుచ్చారు. ప్రస్తుత ప్రభుత్వ పదవీకాలం ముగిసేనాటికి ఈ బంధం మరింత బలోపేతం అవుతుందని ఆయన ధీమా వ్యక్తం చేశారు. శనివారం ఢిల్లీలోని సేవాతీర్థంలో ప్రధానమంత్రి నరేంద్ర మోదీతో రూబియో సమావేశమయ్యారు. ఈ సందర్భంగా అమెరికా అధ్యక్షుడు ట్రంప్ భారత ప్రధాని మోడీని వైట్ హౌస్‌ను సందర్శించాల్సిందిగా అధికారికంగా ఆహ్వానించారు. ఈ సమావేశం అనంతరం రూబియో ఎక్స్ లో ఒక పోస్ట్ చేశారు.

"ఢిల్లీలో భారత ప్రధాని నరేంద్ర మోదీని కలిశాను. అమెరికా-భారత్ సంబంధాల ప్రాముఖ్యతను చెప్పడానికే ఈ భేటీ. మధ్య ప్రాచ్య పరిస్థితి, ఇంధనం, కీలక సరఫరా గొలుసులను సురక్షితంగా చేయడం, ఉద్భవిస్తున్న సాంకేతిక పరిజ్ఞానాల సహకారంపై అమెరికా-భారత్ భాగస్వామ్యాన్ని చర్చిస్తాం. అధ్యక్షుడి ప్రధానమంత్రి హౌస్‌కి ఆహ్వానించడం నాకు సంతోషంగా ఉంది" అని పోస్ట్‌లో పేర్కొన్నారు.