కోలీవుడ్ స్టార్ హీరో రవి మోహన్ (సినిమా ఇండస్ట్రీలో అందరికీ సుపరిచితమైన పేరు జయం రవి) నివాసంలో జరిగిన భారీ దొంగతనం ఉదంతం ఇప్పుడు చిత్ర పరిశ్రమలో తీవ్ర సంచలనంగా మారింది. చెన్నైలోని అత్యంత విలాసవంతమైన ఇంజంబాక్కం ప్రాంతంలో ఉన్న ఆయన నివాసంలో విలువైన వజ్రాల హారంతో పాటు పెద్ద మొత్తంలో నగదు మాయమవడంతో ఒక్కసారిగా కలకలం రేగింది. ఇంట్లో భద్రంగా దాచుకున్న సుమారు 10 లక్షల రూపాయల విలువైన వజ్రాల హారం (డైమండ్ నెక్లెస్), అలాగే దాదాపు 2.5 లక్షల రూపాయల నగదు కనిపించకుండా పోవడంతో హీరో జయం రవి మేనేజర్ వెంటనే అలర్ట్ అయ్యారు. ఈ భారీ చోరీపై జూన్ 22వ తేదీన చెన్నైలోని నీలంగరై పోలీస్ స్టేషన్‌లో అధికారికంగా ఫిర్యాదు నమోదు చేశారు.

ఈ హైప్రొఫైల్ దొంగతనం కేసును పోలీసులు అత్యంత ప్రతిష్టాత్మకంగా తీసుకొని ఫిర్యాదు అందిన వెంటనే రంగంలోకి దిగారు. దర్యాప్తులో భాగంగా జయం రవి నివాసంలో విధులు నిర్వహిస్తున్నవారు హౌస్ కీపింగ్ సిబ్బంది, వంటవారు,డ్రైవర్లని ఒక్కొక్కరిగా పిలిపించి సుదీర్ఘంగా విచారించారు. ఈ విచారణ ప్రక్రియ సాగుతుండగా, గత ఆరు నెలలుగా జయం రవి వద్ద వ్యక్తిగత కార్ డ్రైవర్‌గా పనిచేస్తున్న రాజేష్ ప్రవర్తన పోలీసులకి అనుమానాస్పదంగా అనిపించింది. అతడి హావభావాలు, సమాధానాలు పొంతన లేకుండా ఉండటంతో పోలీసులు తమదైన శైలిలో విచారణను తీవ్రతరం చేశారు.

పోలీసుల గట్టి నిఘా మరియు ముమ్మర విచారణ ముందు డ్రైవర్ రాజేష్ ఎక్కువసేపు నిజం దాచలేకపోయాడు. తానే ఆ దొంగతనానికి కనిపించినట్లు పోలీసుల ఎదుట లొంగిపోయి, నేరాన్ని అంగీకరించాడు. జయం రవి ఇంట్లో లాకర్‌ని రహస్యంగా తెరిచి, అందులో ఉన్న నగదును కాజేసినట్లు ఒప్పుకున్నాడు. నిందితుడు ఇచ్చిన సమాచారం ఆధారంగా పోలీసులు తక్షణమే స్పందించి, దొంగిలించబడిన 2.5 లక్షల రూపాయల నగదును పూర్తిగా రికవరీ చేశారు. రికవరీ చేసిన ఆ నగదును తిరిగి నటుడి కుటుంబ సభ్యులకు భద్రంగా అప్పగించారు. అయితే, ఈ కేసులో అసలైన చిక్కుముడి 10 లక్షల రూపాయల విలువైన వజ్రాల హారం దగ్గరే పడింది.

ఇది కూడా చదవండి: Preity zinta: హైకోర్టుకి ప్రీతీ జింటా.. తిక్క కుదిరింది!

డ్రైవర్ రాజేష్ నగదు దొంగతనాన్ని ఒప్పుకున్నప్పటికీ, మాయమైన ఆ విలువైన డైమండ్ నెక్లెస్ ఎక్కడుందనే విషయంపై ఇంకా స్పష్టత రాలేదు. నగదు దొరికినట్లు, వజ్రాల హారం కోసం పోలీసులు గాలింపు చర్యలు ముమ్మరంగా కొనసాగిస్తూనే ఉన్నారు. ప్రస్తుతానికి నిందితుడు రాజేష్‌ని పోలీసులు అధికారికంగా అరెస్ట్ చేసి, న్యాయస్థానం ముందు హాజరుపరిచారు. కోర్టు అతనికి జ్యుడీషియల్ కస్టడీ విధించడంతో రిమాండ్‌కు. ఒక స్టార్ హీరో ఇంట్లోనే నమ్మకమైన డ్రైవర్ ఇలాంటి చోరీకి ఒడిగట్టడం ఇప్పుడు సోషల్ మీడియాలో హాట్ టాపిక్‌గా మారింది.