సినిమా ప్రపంచంలోకి వారసులు అడుగుపెట్టడం కొత్తేమీ కాదు. కానీ ఒక పవర్ ఫుల్ పోలీస్ ఆఫీసర్ కుమార్తె, గ్లామర్ ఫీల్డ్‌లోకి హీరోయిన్‌గా ఎంట్రీ ఇవ్వడం ఇప్పుడు ఇండస్ట్రీలో హాట్ టాపిక్‌గా మారింది. తమిళనాడు మాజీ డీజీపీ శంకర్ జివాల్ కుమార్తె దౌదీ జివాల్ ఇప్పుడు వెండితెరపై హీరోయిన్‌గా మెరవబోతోంది. కోలీవుడ్ స్టార్ హీరో జయం రవి నటిస్తున్న 34వ మైల్‌స్టోన్ చిత్రం 'కరాటే బాబు' ద్వారా ఆమె కథానాయికగా పరిచయమవుతోంది. గతంలో స్టార్ డైరెక్టర్ గౌతమ్ వాసుదేవ్ మీనన్ రూపొందించిన 'ఎరిమలయిన్ మగళే' అనే మ్యూజిక్ వీడియోలో నటించి అందరి దృష్టిని ఆకర్షించిన దౌదీ, ఇప్పుడు ఏకంగా ఒక భారీ పొలిటికల్ యాక్షన్ థ్రిల్లర్ సినిమాతో సిల్వర్ స్క్రీన్ ఎంట్రీ ఇవ్వడం విశేషం.

ఈ ప్రతిష్టాత్మక చిత్రం 'దాదా' లాంటి సూపర్ హిట్ సినిమా అందించిన టాలెంటెడ్ డైరెక్టర్ గణేష్ కె. బాబు తెరకెక్కిస్తున్నారు. స్క్రీన్ సీన్ మీడియా ఎంటర్‌టైన్‌మెంట్ ప్రైవేట్ లిమిటెడ్ బ్యానర్‌పై నిర్మాత సుందర్ ఆర్ముగం అత్యంత భారీ బడ్జెట్‌తో, ఎక్కడా రాజీ పడకుండా ఈ సినిమాను నిర్మించారు. జయం రవితో ఈ నిర్మాణ సంస్థకు ఇది 3వ ప్రాజెక్ట్ కావడం విశేషం. గతంలో వీరి కాంబినేషన్‌లో 'అగిలన్', 'బ్రదర్' సినిమాలు వచ్చాయి. 'కరాటే బాబు' కేవలం ఒక సాధారణ రాజకీయ చిత్రం మాత్రమే కాదు, ఒక శాసనసభ్యుడు జీవితంలోని వ్యక్తిగత భావోద్వేగాలు, బంధాలు, సంఘర్షణలను కళ్లకు కట్టేలా దర్శకుడు ఈ కథను మలిచారు. పొలిటికల్ థ్రిల్లర్ బ్యాక్‌డ్రాప్‌లో సాగే ఈ ఎమోషనల్ డ్రామా ప్రేక్షకులకు ఒక కొత్త అనుభూతిని ఇస్తుందని చిత్ర బృందం నమ్మకంగా చెప్తోంది.

తాజాగా ఈ సినిమా అధికారిక థియేట్రికల్ రిలీజ్ డేట్ ఖరారైంది. ఎన్నో వారాల సస్పెన్స్, ఊహాగానా తెరదించుతూ మేకర్స్ ఈ సినిమా ఆగస్టు 28వ తేదీన ప్రపంచవ్యాప్తంగా థియేటర్లలో విడుదలైంది. అయితే ఇక్కడే బాక్సాఫీస్ వద్ద ఒక ఆసక్తికరమైన పోరు ఉంది. కన్నడ రాకింగ్ స్టార్ యష్ నటించిన అత్యంత ప్రతిష్టాత్మక పాన్-ఇండియా యాక్షన్ ఎంటర్‌టైనర్ 'టాక్సిక్' ఆగస్టు 26న విడుదలైంది. అంటే 'టాక్సిక్' థియేటర్లలోకి వచ్చిన కేవలం 2 రోజుల వ్యవధిలోనే, ఆగస్టు 28న 'కరాటే బాబు' కూడా ప్రేక్షకుల ముందుకు రాబోతోంది. ఇలాంటి హై-ప్రొఫైల్ బాక్సాఫీస్ క్లాష్ గా, జయం రవి పొలిటికల్ రోల్ మరియు దౌదీ జివాల్ గ్లామర్ ఈ సినిమాపై భారీ అంచనాలను పెంచేసాయి.

ఈ చిత్రం రత్నకుమార్, బాకియం శంకర్ సంయుక్తంగా స్క్రీన్‌ప్లే అందించారు, సామ్ సీఎస్ పవర్ ఫుల్ సంగీతాన్ని అందించారు. ఇప్పటికే విడుదలైన టీజర్ 5 లక్షలకు పైగా వ్యూస్ సాధించి యూట్యూబ్‌లో ట్రెండింగ్‌లో నిలిచింది. ఈ సినిమాలో సీనియర్ నటులు నాజర్, కె.ఎస్. రవికుమార్, శక్తి వాసుదేవన్, విటివి గణేష్, కాళీ వెంకట్ కీలక పాత్రలు పోషిస్తున్నారు. దిలీప్ సుబ్బరాయన్ మాస్టర్ యాక్షన్ సీక్వెన్స్ అద్భుతంగా వచ్చాయని. మాజీ డీజీపీ కుమార్తె దౌదీ జివాల్ మొదటి సినిమాతోనే ఎలాంటి సక్సెస్ సాధిస్తుందో, అలాగే జయం రవి ఈ భారీ క్లాష్‌ని తట్టుకుని బాక్సాఫీస్ వద్ద ఏ రేంజ్‌లో కలెక్షన్ల వర్షం కురిపిస్తాడో చూడాలంటే ఆగస్టు 28 వరకు ఆగాల్సిందే!

కరతేయ్ బాబు, జయం రవి, దౌడీ జివాల్, శంకర్ జివాల్ కూతురు, కరతేయ్ బాబు రిలీజ్ డేట్, టాక్సిక్ మూవీ క్లాష్