Amaravati Bill: అమరావతి గొంతుకనవుతా..! సాయిరెడ్డి బిగ్ ట్విస్ట్..! | రైతుల హక్కులు, దళితుల పట్టాలు పునరుద్ధరించేంత వరకు అమరావతి చట్టంలో న్యాయం జరగదు: విజయసాయిరెడ్డి – VRM MEDIA

ఆంధ్ర ప్రదేశ్

ఓయ్-సయ్యద్ అహ్మద్

ప్రచురించబడింది: గురువారం, ఏప్రిల్ 2, 2026, 15:44 [IST]

ఏపీ రాజధానిగా అమరావతిని ఖరారు చేస్తూ పార్లమెంట్‌లో రాష్ట్ర విభజన చట్టాన్ని సవరించే ప్రక్రియ కొనసాగుతోంది. నిన్న లోక్ సభలో అమరావతి బిల్లును ప్రవేశపెట్టి ఆమోదించిన కేంద్రం.. ఇవాళ రాజ్యసభలోనూ ఈ తంతును పూర్తి చేస్తోంది. అనంతరం రాష్ట్రపతి ఆమోదంతో అమరావతి శాశ్వత రాజధానిగా మారేందుకు సుగమం. ఈ నేపథ్యంలో అమరావతి బిల్లును వైసీపీ లోక్ సభ, రాజ్యసభలోనూ వ్యతిరేకిస్తూ వాకౌట్ చేసింది. అదే సమయంలో పార్టీ మాజీ ఎంపీ విజయసాయిరెడ్డి (vijayasai reddy) కూడా ఈ బిల్లుపై స్పందించారు..

అమరావతి బిల్లును ఆమోదిస్తున్న నేపథ్యంలో వైసీపీ మాజీ ఎంపీ విజయసాయిరెడ్డి ఓ ట్వీట్ చేశారు. ఇందులో ఆయన.. అమరావతిని రాజధానిగా ప్రకటించేందుకు ఏపీ పునర్వ్యవస్థీకరణ చట్టానికి సవరణ రాజకీయ చర్చకు ముగింపు పలకాలని అభిప్రాయపడ్డారు. సమాజంలోని అన్ని వర్గాల కోసం ఉద్దేశించిన, అందరి కోసం నిర్మించబడిన, ఉత్తమ మెట్రో నగరాలతో పోటీపడగల నిజమైన సామాజిక న్యాయ ప్రతినిధి అయిన సమ్మిళిత రాజధాని ఏపీకి నిస్సందేహంగా అవసరమన్నారు.

ఏపీ పునర్వ్యవస్థీకరణ చట్టానికి సవరణ చేస్తూ అమరావతిని రాజధానిగా చేయడం రాజకీయ చర్చకు తెర తీయవచ్చు. AP నిస్సందేహంగా సమాజంలోని అన్ని వర్గాల కోసం ఉద్దేశించిన సమ్మిళిత రాజధానికి అర్హమైనది మరియు అందరి కోసం నిర్మించిన సామాజిక న్యాయం యొక్క నిజమైన ప్రతినిధి, పోటీ చేయగల సామర్థ్యం…

— విజయసాయి రెడ్డి వి (@VSReddy_MP) ఏప్రిల్ 2, 2026

కానీ రైతులు, రైతులకు పూర్తి స్థాయిలో అభివృద్ధి చేసిన ప్లాట్ల పంపిణీ, రైతులకు వార్షిక కౌలు చెల్లింపు, మధ్యవర్తులకు కాకుండా అసలు హక్కులకే నష్టపరిహారం, భూసేకరణ చట్టం 2013 ప్రకారం నష్టపరిహారం, దళితులు, పేదలు, అణగారిన వర్గాలకు రూ. 50,000 పట్టాలను పునరుద్ధరించడం, క్షేత్రస్థాయి మౌలిక సదుపాయాలు, ఉద్యోగాల కల్పన వంటి కీలక పరిష్కారానికి న్యాయం జరిగినట్లుగా భావించినట్లు సాయిరెడ్డి తెలిపారు. ఈ విషయంలో అన్యాయానికి గురైన వారి గొంతుకను తాను వినిపిస్తూనే ఉంటానన్నారు. మొత్తానికి వైసీపీ ఈ బిల్లును పూర్తిగా వ్యతిరేకించినా, సాయిరెడ్డి మాత్రం బిల్లును సమర్థిస్తూనే బాధితుల గొంతు వినిపిస్తున్నట్లు చెప్పడం విశేషం.