ఆంధ్ర ప్రదేశ్
oi-డాక్టర్ వీణా శ్రీనివాస్
అన్నమయ్య జిల్లాలో హృదయ విదారక ఘటన జరిగింది. కుమారుడి ఎదుటే తండ్రిని దుండగులు దారుణంగా హత్య చేసిన ఈ సంఘటన స్థానికంగా తీవ్ర కలకలం రేపింది. పోలీసులు తెలిపిన వివరాల ప్రకారం, చౌడేపల్లి మండలం బోయకొండ ప్రాంతంలో నిన్న రాత్రి ఈ దారుణ ఘటన జరిగింది. గాంధీ అనే వ్యక్తిని గుర్తుతెలియని దుండగులు హత్య చేసి అక్కడే మృతదేహాన్ని వదిలి వెళ్లిపోయారు.
రాత్రంతా అడవిలో తండ్రి మృతదేహం వద్ద తనయుడు
ఈ ఘటనలో అత్యంత కలచివేసే విషయం, గాంధీతో పాటు ఉన్న అతని ఐదేళ్ల కుమారుడు సందీప్ రాత్రంతా తన తండ్రి మృతదేహం పక్కనే రోదిస్తూ గడపాల్సి వచ్చింది. చిన్నారి పరిస్థితి ఎంత దారుణంగా ఉందో ఈ సంఘటన చెబుతోంది. చీకటి ప్రాంతంలో ఒంటరిగా, భయంతో, ఆ బాలుడు గడిపిన రాత్రి అతని మానసిక స్థితిపై తీవ్ర ప్రభావం చూపుతుంది.
బాలుడితో కలిసి ప్రదర్శన వెళ్ళిన టీచర్
ఉదయం వెలుగు పడిన తర్వాత ధైర్యం చేసిన సందీప్, అక్కడి నుంచి సుమారు ఒకున్నర దూరంలో ఉన్న అంగన్వాడీ కేంద్రానికి నడుచుకుంటూ వెళ్లాడు. అక్కడ ఉన్న అంగన్వాడీ టీచర్ను కలిసి తన తండ్రి చనిపోయాడని వివరించాడు. చిన్నారి చెప్పిన మాటలు విన్న టీచర్ వెంటనే అప్రమత్తమై, బాలుడితో కలిసి చూడటానికి వెళ్లింది.
పోలీసులకు ఫిర్యాదు చేసిన అంగన్వాడీ టీచర్
అక్కడ గాంధీ మృతదేహాన్ని చూసిన అనంతరం ఆమె పోలీసులకు సమాచారం అందించింది. సమాచారం అందుకున్న పోలీసులు వెంటనే సంఘటనా స్థలానికి చేరుకుని మృతదేహాన్ని పరిశీలించారు. కేసు నమోదు చేసి దర్యాప్తు చేపట్టారు. హత్యకు గల కారణాలు, దుండగులు ఎవరు అనే దానిపై విచారణ కొనసాగుతోంది.
అందరినీ కలిపివేసిన చిన్నారి పరిస్థితి
ఈ ఘటన ఈ ప్రాంతంలో తీవ్ర ఆందోళనకు దారి తీసింది. చిన్నారి ఎదుర్కొన్న పరిస్థితి అందరినీ కలచివేసింది. పోలీసులు నిందితులను పట్టుకొని కఠిన చర్యలు తీసుకోవాలని స్థానికులు కోరుతున్నారు. ఈ దారుణ ఘటన మరోసారి గ్రామీణ ప్రాంతాల భద్రతా పరిస్థితులపై ప్రశ్నలు లేవనెత్తుతోంది.
