ఆంధ్ర ప్రదేశ్
ఓయ్-చంద్రశేఖర్ రావు
వైఎస్ఆర్ కాంగ్రెస్, ఆ పార్టీ సీనియర్ నాయకులు, మాజీ మంత్రులు, ఎమ్మెల్యేలపై ఓ న్యూస్ ఛానల్ ప్రసారం అయిన కథనంపై వైఎస్ జగన్మోహన్ రెడ్డి స్పందించారు. “రేపు వైయస్ జగన్ మోహన్ రెడ్డి మీ భార్యలను మీ భార్యలు కాదని చెబితే, మీరు దాన్ని నమ్మి, మీ సొంత భార్యలను అక్కచెల్లెళ్లుగా భావించి మరీ పెళ్లి సంబంధాలు చూసే స్థాయికి దిగజారిపోతారు. అంతగా వెన్నెముకలేని నాయకులు వైయస్సార్ కాంగ్రెస్ పార్టీలో ఉన్నారు..” అంటూ ఆ ఛానల్ లో వచ్చిన వ్యాఖ్యలు.
మహిళలను ఉద్దేశించి ఇలాంటి అసహ్యకరమైన, దిగజారిన భాషను ఉపయోగించడం, వారిని రాజకీయ చర్చల్లోకి లాగడం విమర్శ కానే కాదని జగన్ అన్నారు. ఆ వ్యాఖ్యలు మహిళలను అవమానపరచడమే కాకుండా, వారిని కించపరిచేలా దాడిగానే భావించాలని సూచించారు. ఎలాంటి వివక్ష పూరిత జర్నలిజం చేస్తున్నారన్నదానిపై ఈ వ్యాఖ్యలు తీవ్రమైన ప్రశ్నలను లేవనెత్తుతున్నాయని చెప్పారు. ఈ వ్యాఖ్యలను తీవ్రంగా ఖండిస్తున్నామని అన్నారు.
ఈ వ్యాఖ్యలు మహిళలను అవమానించడానికే కాదని, ప్రజల్లో మావిగన్ ప్రతిపాదనపై జరుగుతున్న చర్చను కూడా దారి మళ్లించడానికి ఉద్దేశపూర్వకంగా చేసిన ప్రయత్నంగా భావిస్తున్నామని జగన్ తెలిపారు. మావిగన్ ప్రతిపాదనను రాజకీయంగా ఎదుర్కోలేక, చంద్రబాబు, ఆయనకు అనుకూలంగా ఉన్న ప్రజల దృష్టిని మళ్లించే ప్రయత్నం మీడియా చేస్తోందని అన్నారు. దీంట్లో భాగంగా తప్పుడు ప్రచారాలు చేయడమే కాకుండా వ్యక్తిగత దూషణలకు కూడా దిగారని.
తాము శాంతియుతంగా నిరసనలు చేపట్టి, ఆ ఛానల్ యాజమాన్యంపై కఠిన చర్యలు తీసుకుంటున్నామని, క్షమాపణ చెప్పాలని డిమాండ్ చేశామని వైఎస్ జగన్ గుర్తు చేశారు. ఇంత తీవ్రమైన వ్యాఖ్యలు చేసినప్పటికీ, తమ నాయకులు గానీ, కార్యకర్తలు గానీ ఎక్కడా హింసకు గురికాకుండా, శాంతియుతంగా, ప్రజాస్వామ్య విలువలను కాపాడుతూ అత్యంత సంయమనంతో వ్యవహరించారని ఆయన పార్టీ శ్రేణులను ప్రశంసించారు.
ఈ జుగుప్సాకర వ్యాఖ్యలను ఖండించాల్సింది పోయి ముఖ్యమంత్రి చంద్రబాబు, మంత్రి నారా లోకేష్, ఉప ముఖ్యమంత్రి పవన్ కళ్యాణ్కి మద్దతు ఇవ్వడం, మహిళల పట్ల వారికి ఉన్న అవమానకర ధోరణిని, ద్వేషానికి నిదర్శనమని జగన్ అన్నారు. ఆ ఛానల్ యాజమాన్యంపై తక్షణ చర్యలు తీసుకోవాలని జగన్ డిమాండ్ చేశారు. ఇంత బాధ్యత, విషపూరిత వ్యాఖ్యలను సమర్థించిన నాయకుల వైఖరిని తాము తీవ్రంగా ఖండిస్తున్నామని స్పష్టం చేశారు.
