మెగా ప్రిన్స్ వరుణ్ తేజ్ను వివాహం చేసుకున్న తర్వాత ‘మెగా కోడలి’గా లావణ్య త్రిపాఠికి అభిమానుల్లో క్రేజ్ పెరిగింది. అటు వృత్తిపరంగా, ఇటు వ్యక్తిగత జీవితంలో ఎంతో హుందాగా వ్యవహరించే ఈ బ్యూటీ, తాజాగా తన మావయ్య మెగాస్టార్ చిరంజీవి గురించి చేసిన వ్యాఖ్యలు ఇప్పుడు సోషల్ మీడియాలో తెగ వైరల్ అవుతున్నాయి.
లావణ్య ఒక ఇంటర్వ్యూలో తన పాత జ్ఞాపకాలను గుర్తు చేసుకుంటూ ఆసక్తికర విషయాలను పంచుకున్నారు. తను సినిమాల్లోకి రాకముందు, చిన్న వయసులో ఉన్నప్పుడు చిరంజీవి గారి పాటలను చూసి ముగ్ధురాలినయ్యేదాన్ని అని చెప్పారు. ముఖ్యంగా ఆయన డ్యాన్స్లో ఉండే గ్రేస్, ఎనర్జీ చూసి ‘ఎవరీ వ్యక్తి.. ఇంత అద్భుతంగా డ్యాన్స్ చేస్తున్నారు’ అని ఆశ్చర్యపోయేవారట.
అయితే అప్పట్లో ఒక ప్రేక్షకురాలిగా చిరంజీవిని చూసి మురిసిపోయిన లావణ్య, భవిష్యత్తులో అదే మెగా కుటుంబానికి కోడలిగా వెళ్తానని కలలో కూడా ఊహించలేదని చెప్పుకొచ్చారు. కాలం చేసిన మాయో లేక అదృష్టమో కానీ, ఇప్పుడు అదే మెగాస్టార్ను ‘మావయ్య’ అని పిలిచే స్థాయికి చేరుకోవడం తనకు ఎంతో గర్వంగా ఉందని ఆమె ఆనందం వ్యక్తం చేసింది.
అందాల రాక్షసి సినిమాతో తెలుగు తెరకు పరిచయమైన లావణ్య త్రిపాఠి, వరుస హిట్లతో టాలీవుడ్లో తనకంటూ ఒక ప్రత్యేక సంపాదించుకున్నారు. వరుణ్ తేజ్తో కలిసి ‘మిస్టర్’, ‘అంతరిక్షం’ సినిమాల్లో నటించిన సమయంలో వీరిద్దరి మధ్య చిగురించిన ప్రేమ, పెళ్లి పీటల వరకు వెళ్లిన సంగతి తెలిసిందే.
మెగా కుటుంబంలో భాగమైన తర్వాత లావణ్య ప్రతి వేడుకలోనూ ఎంతో యాక్టీవ్గా కనిపిస్తున్నారు. చిరంజీవి పుట్టినరోజు వేడుకలైనా, ఫ్యామిలీ గెట్-టుగెదర్స్ అయినా మెగా కోడలు తన సందడిని చూపిస్తూనే ఉంటారు. తాజాగా ఆమె చేసిన వ్యాఖ్యలపై మెగా అభిమానులు “బాస్ గ్రేస్ అలాంటిది మరి.. మావయ్యపై మీకున్న గౌరవం అభినందనీయం” అంటూ కామెంట్స్ చేస్తున్నారు.
ప్రస్తుతం లావణ్య తన వైవాహిక జీవితాన్ని ఎంజాయ్ చేస్తూనే, మంచి స్క్రిప్ట్స్ వస్తే సినిమాలు మరియు వెబ్ సిరీస్లు చేయడానికి సిద్ధంగా ఉన్నారు. మెగాస్టార్ ప్రస్తుతం ‘విశ్వంభర’ వంటి భారీ ప్రాజెక్టులతో ఉండగా, వరుణ్ తేజ్ కూడా తన తదుపరి చిత్రాల షూటింగ్లలో ఉన్నారు.
