[ad_1]
భారతదేశం
ఓయ్-జక్కీ మహేష్
దేశ రాజధాని ఢిల్లీలో బుధవారం ఉదయం ఘోర అగ్నిప్రమాదం జరిగింది. దక్షిణ ఢిల్లీలోని మాలవ్య నగరంలో ఉన్న లెమన్ గ్రీన్ రెస్టారెంట్‌లో ఒక్కసారిగా భారీగా మంటలు చెలరేగడంతో విదేశీయులతో సహా 21 మంది సజీవదహనమయ్యారు. మృతుల్లో ఎక్కువగా విదేశీయులు ఉన్నట్లు సమాచారం. మరికొంత మంది ఈ ప్రమాదంలో తీవ్రంగా గాయపడ్డారు. ఈ సంఖ్య మృతుల సంఖ్య ఇంకా పెరిగే అవకాశం కనిపిస్తోంది. ప్రమాద సమయంలో రెస్టారెంట్ బేస్‌మెంట్‌లో చిక్కుకుపోయిన పలువురిని అగ్నిమాపక సిబ్బంది తీవ్రంగా శ్రమించి సురక్షితంగా రక్షించారు. సహాయక చర్యలు కొనసాగుతున్నాయి.
అగ్నిమాపక అధికారులకు అందిన సమాచారం ప్రకారం.. బుధవారం ఉదయం సుమారు 9:45 గంటల సమయంలో ఈ ప్రమాదం గురించి సమాచారం అందింది. స్పందించిన సిబ్బంది ఘటనా స్థలానికి చేరుకుని మంటలను అదుపు చేసేందుకు చర్యలు తీసుకుంటున్నారు. రెస్టారెంట్ బేస్‌లో ఊపిరాడక అల్లాడుతున్న ముగ్గురిని సిబ్బంది ప్రాణాలతో రక్షించి, క్యాట్స్ అంబులెన్స్‌ల ద్వారా తక్షణమే ఆసుపత్రికి చేరుకుంది. ఢిల్లీ పోలీసులు వెల్లడించిన వివరాల ప్రకారం.. ఇప్పటివరకు మొత్తం 11 మందిని ఈ ప్రమాద స్థలం నుంచి సురక్షితంగా బయటకు తీసుకొచ్చారు.
ఈ ఘోర ప్రమాదంపై ఢిల్లీ ముఖ్యమంత్రి రేఖా గుప్తా దిగ్భ్రాంతిని, విచారాన్ని వ్యక్తం చేశారు. బాధితులకు, వారి కుటుంబాలకు ప్రభుత్వం అన్ని విధాల అండగా ఉంటుందని ఆమె హామీ ఇచ్చారు. “మాలవ్య నగర్ అగ్నిప్రమాదంలో ఎందరో ప్రాణాలు కోల్పోవడం నన్ను తీవ్రంగా కలచివేసింది. మరణించిన వారి కుటుంబాలకు నా ప్రగాఢ సానుభూతిని తెలియజేస్తున్నాను. గాయపడిన వారు త్వరగా కోలుకోవాలని ప్రార్థిస్తున్నాను” అని సీఎం రేఖా గుప్తా పేర్కొన్నారు.
మాల్వియా నగర్ రెస్టారెంట్‌లో మంటలు, నేలమాళిగలో చిక్కుకున్న 3 మందిని రక్షించారు, 10 మంది అక్కడికక్కడే మృతి చెందారు స్థానిక ప్రజలతో కరస్పాండెంట్ జితేంద్ర సింగ్ ప్రత్యేక సంభాషణ.#DelhiFire #MalviyaNagar #DelhiNews #FireIncident pic.twitter.com/nbs81zWsCd
— కాశ్మీర్ వాచర్ (@WatcherKashmir) జూన్ 3, 2026
వెంటనే ఢిల్లీ ఫైర్ సర్వీసెస్, ఢిల్లీ పోలీస్, డీడీఎంఏ, క్యాట్స్ అంబులెన్స్ బృందాలు రంగంలోకి దిగాయని ముఖ్యమంత్రి. వారి సత్వర స్పందన కారణంగానే బేస్‌మెంట్, ఇతర ప్రాంతాల నుంచి పలువురిని సురక్షితంగా ఖాళీ చేయించడం సాధ్యమైందని ఆమె కొనియాడారు. ఢిల్లీ ప్రభుత్వం పరిస్థితి నిరంతరం పర్యవేక్షిస్తోందని, బాధితులకు అవసరమైన అన్ని రకాల వైద్య సహాయాన్ని అందించామని తెలిపారు. నెహ్రూ ప్లేస్ ఫైర్ స్టేషన్‌కు చెందిన డివిజనల్ ఆఫీసర్ రవీందర్ స్వయంగా ఘటనా స్థలంలోనే ఉండి సహాయక చర్యలను పర్యవేక్షిస్తున్నారు. అయితే ఈ భారీ ప్రమాదానికి గల అసలు కారణాలు ఇంకా తెలియరాలేదు, అధికారులు విచారణ జరుపుతున్నారు.
మాళవియా నగర్‌లో జరిగిన అగ్నిప్రమాదంలో ప్రాణనష్టం జరగడం పట్ల తీవ్ర దిగ్భ్రాంతి వ్యక్తం చేశారు.
మృతుల కుటుంబాలకు నా హృదయపూర్వక సానుభూతి. గాయపడిన వారు త్వరగా కోలుకోవాలని మరియు ఈ హృదయ విదారక విషాదం వల్ల ప్రభావితమైన వారందరికీ ధైర్యం & ధైర్యాన్ని ఇవ్వాలని నేను ప్రార్థిస్తున్నాను.…
— రేఖా గుప్తా (@gupta_rekha) జూన్ 3, 2026
[ad_2]
