సినిమా పరిశ్రమలో ఒకే ఒక్క శుక్రవారం ఒక్క దర్శకుడి తలరాతను పూర్తిగా మార్చేయగలదు. నిన్నటివరకు పెద్దగా పరిచయం లేని ఒక నూతన దర్శకుడు, నేడు సౌత్ ఇండియాలోనే మోస్ట్ వాంటెడ్ డైరెక్టర్ల జాబితాలోకి చేరడం వెనుక ఒక అద్భుతమైన సంచలనం దాగుంది. ఆ సంచలనం పేరే ‘బ్లాస్ట్’. యాక్షన్ కింగ్ అర్జున్ సర్జా, అభిరామి, ప్రీతి ముకుందన్ ప్రధాన పాత్రల్లో సరికొత్త మార్షల్ ఆర్ట్స్ యాక్షన్ థ్రిల్లర్గా ప్రేక్షకుల ముందుకు వచ్చిన ఈ చిత్రం బాక్సాఫీస్ వద్ద అంచనాలను తలకిందులు చేస్తూ వసూళ్ల సునామీ సృష్టించింది. ఈ భారీ విజయంతో చిత్ర దర్శకుడు సుభాష్ కె. రాజన్ ఏకంగా కోలీవుడ్ వర్సటైల్ యాక్టర్, స్టార్ హీరో చియాన్ విక్రమ్ను డైరెక్ట్ చేసే గోల్డెన్ ఛాన్స్ దక్కించుకోవడం ఇప్పుడు ట్రేడ్ వర్గాల్లో హాట్ టాపిక్గా మారింది.
అసలు ‘బ్లాస్ట్’ సినిమా బాక్సాఫీస్ వద్ద ఇంతటి పెను సంచలనం సృష్టిస్తుందని ట్రేడ్ వర్గాలు సైతం ఊహించలేదు. కేవలం 18 కోట్ల రూపాయల పరిమిత బడ్జెట్తో రూపుదిద్దుకున్న ఈ చిత్రం, థియేటర్లలో వచ్చే సమయానికి ఎలాంటి భారీ అంచనాలు లేవు. కానీ వెండితెరపై మైనింగ్ స్కామ్ బ్యాక్డ్రాప్లో ఒక సాధారణ మధ్యతరగతి కరాటే మాస్టర్ కుటుంబం విలన్ల ముఠాపై చేసిన మార్షల్ ఆర్ట్స్ యుద్ధం ప్రేక్షకులకు నెక్స్ట్ లెవెల్ థ్రిల్ ఇచ్చింది. యాక్షన్ సీక్వెన్స్, బలమైన విజువల్స్, అద్భుతమైన మౌత్ టాక్ కారణంగా ఈ చిన్న చిత్రం ప్రపంచవ్యాప్తంగా ఏకంగా 70 కోట్ల రూపాయలకు పైగా వసూళ్లను సాధించి క్లీన్ బ్లాక్బస్టర్గా నిలిచింది. ఈ చిత్రం సాధించిన అపూర్వ విజయంతో ఒక్కసారిగా చిత్ర పరిశ్రమ చూపు సుభాష్ కె. రాజన్ వైపు తిరిగింది.
ఈ యంగ్ డైరెక్టర్ హ్యాండిల్ చేసిన టేకింగ్ కథను నడిపించిన విధానం చూసి పలువురు స్టార్ హీరోలు ఆయనతో పని చేయడానికి ఆసక్తి కనబరిచారు. ఈ కోరికనే సుభాష్, విలక్షణ నటుడు చియాన్ విక్రమ్కు ఒక పవర్ఫుల్ లైన్ వినిపించగా.. అది విక్రమ్కు విపరీతంగా నచ్చేసిందని ఇండస్ట్రీ టాక్ వినిపిస్తోంది. సామాజిక సందేశాన్ని కమర్షియల్ హంగులతో మిక్స్ చేసి చెప్పడంలో సుభాష్ చూపించిన ప్రతిభకు విక్రమ్ పూర్తిగా ఫిదా అయ్యారు. అందుకే ఈ క్రేజీ ప్రాజెక్ట్కు ఆయన వెంటనే గ్రీన్ సిగ్నల్ ఇచ్చారు. ఈ ప్రతిష్టాత్మక కోలీవుడ్ ప్రముఖ నిర్మాణ సంస్థ ఏజీఎస్ ఎంటర్టైన్మెంట్ (AGS ఎంటర్టైన్మెంట్) అత్యంత భారీ బడ్జెట్తో నిర్మించనుంది.
థియేటర్లలో రికార్డులు సృష్టించిన ‘బ్లాస్ట్’ మూవీ, ఆ తర్వాత ప్రముఖ ఓటీ ప్లాట్ఫారమ్ నెట్ఫ్లిక్స్లో ఐదు భాషల్లో విడుదలైన డిజిటల్ స్క్రీన్స్ను సైతం షేక్ చేసింది. గ్లోబల్ ఆడియన్స్ను సైతం ఆకట్టుకుంటూ నెట్ఫ్లిక్స్లో టాప్ ట్రెండింగ్లో నిలిచింది. ముఖ్యంగా ఇందులో అర్జున్ సర్జా కూతురు ‘నీల’ పాత్రలో నటించిన ప్రీతీ ముకుందన్ క్రేజ్ ఈ సినిమాతో అమాంతం పెరిగిపోయింది. కేవలం గ్లామర్లకే పరిమితం కాకుండా, కళ్లు చెదిరే మార్షల్ ఆర్ట్స్ స్టంట్స్తో ఆమె చేసిన యాక్షన్ విన్యాసాలు ప్రేక్షకులను మంత్రముగ్ధులను చేశాయి. ఈ అద్భుతమైన విజయంతో ఆమె సౌత్ ఇండియాలోనే మోస్ట్ వాంటెడ్ యాక్ట్రెస్గా మారిపోయింది. అలాంటి అద్భుతమైన ఫ్యామిలీ యాక్షన్ ఎంటర్టైనర్ను అందించిన సుభాష్ కె. రాజన్, ఇప్పుడు చియాన్ విక్రమ్ లాంటి అసాధారణ నటుడిని ఎలా ప్రెజెంట్ చేయబోతున్నారనేది అప్పుడే అంచనాలు ఆకాశాన్ని తాకుతున్నాయి.
చియాన్ విక్రమ్, సుభాష్ కె రాజన్, AGS ఎంటర్టైన్మెంట్
