భారతదేశం
ఓయ్-బొమ్మ శివకుమార్
కేంద్ర ప్రభుత్వం ప్రతిష్టాత్మకంగా చేపడుతున్న డీలిమిటేషన్ ప్రక్రియపై బెంగాల్ సీఎం మమతా బెనర్జీ కీలక వ్యాఖ్యలు చేశారు. బెంగాల్ అలాగే భారత్ ను రెండుగా విభజించేందుకే నియోజకవర్గాల పునర్విభజన బిల్లును మోదీ ప్రభుత్వం తీసుకొచ్చిందని తీవ్ర ఆరోపణలు చేశారు. హౌరాలోని దోంజూర్ లో నిర్వహించిన పూర్తి ఎన్నికల ర్యాలీలో ఆమె మాట్లాడుతూ బిల్లు డీలిమిటేషన్కు మద్దతు లేదు. బీజేపీకి టీడీపీ, జేడీయూ మద్దతు మాత్రమే ఉందని పేర్కొన్నారు. పొలిటికల్ లేజీ కోసమే డీలిమిటేషన్ బిల్లును కేంద్ర ప్రభుత్వం తీసుకొచ్చిందని మమతా బెనర్జీ స్పష్టం చేశారు.
ఇక బీజేపీకి పూర్తి స్థాయి మద్దతు లేదని మమతా బెనర్జీ అన్నారు. టీడీపీ, జేడీయూ మద్దతుతోనే ఆ పార్టీ అధికారంలో కొనసాగుతున్నదని పేర్కొన్నారు. కీలక ఎన్ఆర్సీ పైనా దీదీ వ్యాఖ్యలు చేశారు. డీలిమిటేషన్ తర్వాత కేంద్ర ప్రభుత్వం ఎన్ఆర్సీ ప్రారంభిస్తుందని ఎన్ఆర్సీ అమలు వల్ల ఓటర్ల పేర్లను తొలగించి, ప్రజల డిటెన్షన్ క్యాంపులకు తరలించే ప్రమాదం ఉందని మమతా బెనర్జీ స్పష్టం చేశారు.
అలాగే బెంగాల్ లో ఇప్పటిదాకా ఎస్ఐఆర్ ప్రక్రియలో ఓటర్ల జాబితా నుంచి దాదాపు 91 లక్షల మంది పేర్లను తొలగించారని అందులో దాదాపు 60 లక్షల మంది హిందువులు ఉన్నారని అలాగే 30 లక్షల మంది ముస్లింలు ఉన్నారని మమతా బెనర్జీ తెలిపారు. ఈ ఎన్నికల్లో భాగంగా కేంద్రం కుట్ర చేసింది. అదనంగా బెంగాల్ ను డీలిమిటేషన్ పేరుతో ముక్కలు చేయాలని బీజేపీ చూస్తోందని ఆగ్రహం వ్యక్తం చేశారు. డీలిమిటేషన్ లో భాగంగా బెంగాల్ లోని కొన్ని జిల్లాలను బిహార్, ఒడిషాలో కలిపే ప్రమాదం ఉందని ఆందోళన వ్యక్తం చేశారు. ఇలాంటి చర్యల వల్ల ప్రజలు తీవ్ర ఇబ్బందులు పడతారని అన్నారు.
ఇక బెంగాల్ లో మొత్తం 294 అసెంబ్లీ స్థానాలు ఉన్నాయి. ఏప్రిల్ 23, 29 తేదీల్లో రెండు దశల్లో బెంగాల్ లో ఎన్నికలు జరుగుతున్నాయి. తొలి విడతలో 152 స్థానాలకు, రెండో విడతలో 142 స్థానాలకు ఎన్నికలు నిర్వహించనున్నారు. అలాగే మే 4న ఫలితాలు వెల్లడి కానున్నాయి.
