టాలీవుడ్ సెన్సేషన్ శ్రీలీల (శ్రీలీల) బాలీవుడ్ డెబ్యూ మూవీ గురించి గత కొన్ని రోజులుగా సోషల్ మీడియాలో రకరకాల వార్తలు వినిపిస్తున్నాయి. కార్తీక్ ఆర్యన్, శ్రీలీల జంటగా నటిస్తున్న ఈ సినిమా షూటింగ్ ఆలస్యమవుతోందని, విడుదల వాయిదా పడే అవకాశం ఉందని వస్తున్న వార్తలపై దర్శకుడు అనురాగ్ బసు ఎట్టకేలకు స్పందించారు.
ఈ సినిమా గురించి వస్తున్న రూమర్లను అనురాగ్ బసు కొట్టిపారేశారు. సినిమా పనులు పక్కా ప్లానింగ్తో జరుగుతున్నాయని, ఎక్కడా షూటింగ్ ఆగిపోలేదని ఆయన చెప్పారు. ప్రస్తుతం ప్రీ-ప్రొడక్షన్, కొన్ని కీలక సన్నివేశాల చిత్రీకరణకు సంబంధించిన పనులు వేగంగా జరుగుతున్నాయని, త్వరలోనే తదుపరి షెడ్యూల్ ప్రారంభం కానుందని పేర్కొన్నారు.
ఈ సినిమాతో శ్రీలీల బాలీవుడ్ ఎంట్రీ ఇస్తా అటు టాలీవుడ్, ఇటు బాలీవుడ్ ప్రేక్షకుల్లో భారీ అంచనాలు ఉన్నాయి. కార్తీక్ – శ్రీలీల మధ్య కెమిస్ట్రీ ఈ మ్యూజికల్ డ్రామాకు ప్రధాన ఆకర్షణగా నిలవనుంది. అనురాగ్ బసు తన మార్క్ ఎమోషన్స్, అద్భుతమైన మ్యూజిక్తో ఈ ప్రేమకథను వెండితెరపై ఆవిష్కరించబోతున్నారు.
ప్రస్తుత సినిమా విడుదలలో ఎటువంటి మార్పులు లేవని, అనుకున్న సమయానికే ప్రేక్షకుడికి ముందుకు వస్తుందని చిత్ర బృందం చెబుతోంది. శ్రీలీల ఈ క్రేజీ బాలీవుడ్ ప్రాజెక్ట్తో అక్కడ ఎలాంటి ఇంపాక్ట్ క్రియేట్ చేస్తుందో చూడాలి.
