టాలీవుడ్ యంగ్ అండ్ ఎనర్జిటిక్ హీరో రామ్ పోతినేని, బాలీవుడ్ బ్యూటీ భాగ్యశ్రీ బోర్సే మధ్య ఏదో నడుస్తోందంటూ గత కొంతకాలంగా సోషల్ మీడియాలో విపరీతంగా ప్రచారం జరుగుతోంది. మాస్ మహారాజా రవితేజ సరసన ‘మిస్టర్ బచ్చన్’ సినిమాతో తెలుగు ఇండస్ట్రీలోకి అడుగుపెట్టిన ఈ ముంబై భామ, మొదటి సినిమాతోనే తన గ్లామర్, యాక్టింగ్తో కుర్రకారుని మనసు దోచుకుంది. ఆ తర్వాత రామ్ పోతినేని సరసన ‘ఆంధ్రా కింగ్ తాలూకా’ అనే క్రేజీ ప్రాజెక్ట్లో నటించే అవకాశం దక్కించుకుంది. ఈ సినిమా షూటింగ్ సెట్స్లోనే వీరిద్దరి మధ్య సాన్నిహిత్యం పెరిగిందని, ఇద్దరూ ప్రేమలో మునిగితేలుతున్నారంటూ అప్పట్లో సినీ వర్గాల్లో గట్టిగానే గుసగుసలు వినిపించాయి. ఈ రూమర్లపై గతంలో హీరో రామ్ పోతినేని స్పందించారు, అవన్నీ కేవలం పుకార్లేనని పూర్తిగా ఖండించారు. అయితే భాగ్యశ్రీ మాత్రం ఇప్పటివరకు ఈ వ్యవహారంపై ఎక్కడా పెదవి విప్పలేదు.
కానీ ఇటీవల ఆమె నటించిన ‘లెనిన్’ సినిమా ప్రమోషన్ల సమయంలో “హైదరాబాద్ ఇప్పుడు నాకు రెండో ఇల్లుగా మారిపోయింది” అంటూ భాగ్యశ్రీ చేసిన కామెంట్స్ ఈ ప్రేమాయణం ఊహాగానాలకు మళ్లీ ఊతమిచ్చాయి. తాజాగా జరిగిన ఒక ఇంటర్వ్యూలో భాగ్యశ్రీ బోర్సేకు ఎదురైన ఒక ఆసక్తికరమైన ప్రశ్న ఇప్పుడు టాలీవుడ్లో హాట్ టాపిక్గా మారింది. ఈ యాంకర్ భాగ్యశ్రీని ఉద్దేశిస్తూ.. “మీరు కలిసి పనిచేసిన హీరోల్లో ఎవరితో ఫ్రెండ్షిప్ చేస్తారు? ఎవరితో డేటింగ్ చేస్తారు? ఎవరిని పెళ్లి చేసుకుంటారు?” అని ఒక క్రేజీ ప్రశ్న అడిగారు.
ఈ ప్రశ్నకు భాగ్యశ్రీ ఎంతో చాకచక్యంగా, అంతే ఆసక్తికరమైన సమాధానం ఇచ్చింది. మొదట ఫ్రెండ్షిప్ విషయానికి వస్తే, అక్కినేని వారసుడు అఖిల్ అక్కినేని తనకు చాలా మంచి స్నేహితుడని ఓపెన్ అయిపోయింది. ఇక అసలైన డేటింగ్, పెళ్లి మ్యాటర్కు వచ్చేసరికి.. భాగ్యశ్రీ కాసేపు ఆలోచించి, తను ఇప్పటివరకు కలిసి నటించిన హీరోల్లో పెళ్లికాని బ్యాచిలర్ హీరో ఒక్కరే మిగిలి ఉన్నారంటూ నవ్వేసింది. భాగ్యశ్రీ నేరుగా రామ్ పేరు ఎత్తకపోయినప్పటికీ, ఆమె పరోక్షంగా ఉద్దేశించింది రామ్ పోతినేని అని నెటిజన్లు, టాలీవుడ్ ఫ్యాన్స్ ఇట్టే కనిపెట్టేశారు.
ఈ ఇంటర్వ్యూ క్లిప్ సోషల్ మీడియా వేదికగా విపరీతంగా వైరల్ అవుతోంది. రామ్ ఫ్యాన్స్ అయితే ఒకడుగు ముందుకు వేసి సోషల్ మీడియాలో ‘భాగ్యశ్రీ పోతినేని’ అంటూ క్రేజీ పోస్టులు పెడుతూ రచ్చ చేస్తున్నారు. అయితే ఇది కేవలం ఇంటర్వ్యూలో సరదాగా, ఫ్యాన్ కోసం చేసిన వ్యాఖ్యలే అని కొందరు కొట్టిపారేస్తున్నా, మెజారిటీ నెటిజన్లు మాత్రం వీరిద్దరి మధ్య ఏదో లవ్ స్టోరీ నడుస్తోందని బలంగా నమ్ముతున్నారు. మొదటి సినిమా ‘మిస్టర్ బచ్చన్’ బాక్సాఫీస్ వద్ద ఆశించిన విజయం సాధించకపోయినా, ఈ బ్యూటీ వరుస అవకాశాలతో దూసుకుపోతోంది. తాజాగా విడుదలైన ‘లెనిన్’ సినిమాతో మంచి సక్సెస్ అందుకోవడంతో భాగ్యశ్రీ కెరీర్ గ్రాఫ్ ఒక్కసారిగా పెరిగింది. మరి ఈ డేటింగ్, పెళ్లి రూమర్లపై రామ్ పోతినేని లేదా భాగ్యశ్రీ అఫీషియల్గా ఎలా స్పందిస్తారో చూడాలి.
రామ్ పోతినేని, భాగ్యశ్రీ బోర్సే, అఖిల్ అక్కినేని, లెనిన్ సినిమా
