రితేష్ రాణా దర్శకత్వంలో రూపొందించిన లేటెస్ట్ యాక్షన్ కామెడీ టైనర్ ‘జెట్లీ’ (JETLEE). ‘మత్తు వదలరా’ వంటి వైవిధ్యమైన సినిమాలతో ఆకట్టుకున్న రితేష్ రాణా, ఈసారి కమెడియన్ సత్యను ప్రధాన పాత్రలో పెట్టి ఒక క్రేజీ అడ్వెంచర్ను మన ముందుకు తీసుకురాబోతున్నారు. మే 1న ‘జెట్లీ’ థియేటర్లలో ల్యాండ్ అవుతోంది. తాజాగా ఈ సినిమాకి సంబంధించిన రిలీజ్ ట్రైలర్ను చిత్ర యూనిట్ విడుదల చేసింది.
ట్రైలర్ విశేషాలు: ఫుల్ ఆన్ ఎంటర్టైన్మెంట్
ట్రైలర్ ప్రారంభం నుండి ముగింపు వరకు రితేష్ రాణా మార్క్ కామెడీ, యాక్షన్ అదిరిపోయాయి. ముఖ్యంగా సత్య తనదైన టైమింగ్తో ఆకట్టుకున్నాడు. తన బాడీ లాంగ్వేజ్, డైలాగ్ డెలివరీతో ట్రైలర్ను ఆద్యంతం వినోదాత్మకంగా మార్చాడు.
ఫ్లయిట్ జర్నీ నేపథ్యంలో సాగే కామెడీ అండ్ అడ్వెంచర్ ఫిల్మ్ లా ఇది నిర్మించబడింది. తన కడుపులో పెన్ను గుచ్చుకోవడంతో.. అనుకోకుండా పొడుచుకుందా? ఎవరైనా కావాలని పొడిచారా? అంటూ సత్య వేసే లెక్కలు నవ్వులు పూయించాయి. తాను ఎవరన్నది మర్చిపోయి, తనను తాను తెలుసుకునే పాత్రలో సత్యంగా కనిపిస్తున్నాడు. తనను తాను యాక్షన్ హీరోలా ఊహించుకుంటూ ఫైట్లు కూడా చేయడం విశేషం. ఇక ‘నన్ను చూసి ఏడవకురా” అని టీషర్ట్ వెనుక రాసుకోవడం హైలైట్ అని చెప్పవచ్చు.
రియా సింఘా, వెన్నెల కిషోర్, అజయ్ ఇతర ముఖ్య పాత్రల్లో కనిపిస్తున్నారు. ట్రైలర్ లో కాల భైరవ అందించిన సంగీతం, సురేష్ సారంగం విజువల్స్ ఆకట్టుకున్నాయి.
క్లాప్టైన్ బ్యానర్పై చిరంజీవి (చెర్రీ), హేమలత పెదమల్లు ఈ నిర్మాణంగా, మైత్రీ మూవీ మేకర్స్ ఈ సినిమాను సమర్పిస్తోంది. ‘జెట్లీ’ చిత్రం మే 1న విడుదల. ఇప్పటికే విడుదలైన ప్రచార చిత్రాలు సినిమాపై మంచి అంచనాలను పెంచాయి. తాజాగా విడుదలైన విడుదల ట్రైలర్లో ప్రేక్షకులు మరింత ఆసక్తిని కలిగిస్తున్నారు. మరి సత్య హీరోగా మారి చేసిన ఈ ‘జెట్లీ’ బాక్సాఫీస్ ఎలాంటి ఫలితాన్ని ఇస్తుందో చూడాలి.
