ఆంధ్ర ప్రదేశ్
ఓయ్-సాయి చైతన్య
లోక్ సభ – ఎమ్మెల్యే సీట్ల పెంపుకు రంగం సిద్దమైంది. రాజకీయ ముఖ చిత్రం మార్చే మహిళా రిజర్వేషన్ల అమలుకు కసరత్తు పూర్తయింది. ఈ నెల 16వ తేదీ నుంచి ప్రత్యేకంగా పార్లమెంట్ ఈ బిల్లుల ఆమోదం కోసం ప్రత్యేక సమావేశాలు ఏర్పాటు చేసింది. మహిళా రిజర్వేషన్లతోపాటు నియోజకవర్గాల పునర్విభజనకు వీలు కల్పించే డీలిమిటేషన్ బిల్లును ప్రవేశపెట్టాలని కేంద్ర ప్రభుత్వం నిర్ణయించింది. అయితే.. మహిళా రిజర్వేషన్లు 2029 లోనే అమలు కానున్నాయి. అయితే, పెరిగిన స్థానాల్లో ఎన్నికలు 2029 లోనా.. 2034 లోనా అనేది కేంద్రం క్లారిటీ ఇచ్చింది.
కేంద్రం పార్లమెంట్.. అసెంబ్లీ సీట్ల పెంపు దిశగా సంచలన నిర్ణయం తీసుకుంది. ఈ మేరకు ఈ వారంలో జరిగే ప్రత్యేక పార్లమెంట్ సమావేశాల్లో ఈ బిల్లులను ప్రవేశ పెడుతున్నారు. దీని ద్వారా మహిళకు 33 శాతం రిజర్వేషన్ల అమలుకు కేంద్రం నిర్ణయించింది. పార్లమెంట్ ఆమోదించిన వెంటనే రిజర్వేషన్ల కసరత్తు మొదలు అవుతోంది. మహిళా రిజర్వేషన్ల అమలుతో ఎస్సీ- ఎస్టీ రిజర్వేషన్లలో మార్పులు జరుగుతాయి. అదే సమయంలో ప్రతీ రాష్ట్రంలో 50 శాతం మేర సీట్లు పెరుగుతున్నాయి. దీంతో.. పెరిగిన స్థానాలకు 33 శాతం సీట్లు.. అదే విధంగా ఎస్సీ – ఎస్టీ నిష్పత్తి ప్రకారం సీట్లు కేటాయించబడతాయి. కాగా.. 2011 జనాభా లెక్కల ప్రకారం ఈ డీలిమిటేషన్ ప్రక్రియ పూర్తి చేయాలని కేంద్రం భావిస్తోంది. ప్రస్తుతం జరుగుతున్న జనగణన పూర్తి సంవత్సరానికి సమయం పట్టనుంది.
సెన్, డీలిమిటేషన్ కమిటీ సమర్పించే నివేదికలు- కొత్త లెక్కలకు తగిన మార్పులు చేసే విధంగా కొత్త బిల్లులో ప్రతిపాదించారు. ప్రస్తుతం బిల్లు ఆమోదం.. డీలిమిటేషన్ ప్రక్రియ మాత్రం 2011 జనాభా లెక్కలతోనే వెళ్లనుంది. దీంతో.. 2029లోనే మహిళలకు 33 శాతం రిజర్వేషన్లు పెరుగుతున్న సీట్లతోనే నిర్వహించాలని కేంద్రం నిర్ణయించింది. రిజర్వేషన్లతో అన్ని మహిళలు మారుతున్నారని కేంద్ర మంత్రి కిషన్ రెడ్డి.. అదే విధంగా డీలిమిటేషన్ తో ఏ రాష్ట్రానికి అన్యాయం జరగదని స్పష్టం చేశారు. ఇక.. ఈ బిల్లులను పార్లమెంట్ ఆమోదించేలా కేంద్రం వ్యూహాత్మకంగా వ్యవహరిస్తోంది. ప్రతిపక్షాల నుంచి అభ్యంతరాలు వచ్చాయి.. మహిళా రిజర్వేషన్లతో ముడి పెట్టడంతో బిల్లు పాస్ కావటం ఖాయమని. అదే విధంగా సాంకేతిక, న్యాయపరమైన ఇబ్బందులు లేకుంటే.. 2029 లోనే పెరిగిన సీట్లలో ఎన్నికలు నిర్వహించే అవకాశం ఉంది.
