భారతదేశం
ఓయ్-చంద్రశేఖర్ రావు
అసెంబ్లీ ఎన్నికల గడువు సమీపిస్తున్న కొద్దీ తమిళనాడులో ప్రచారం హోరెత్తుతోంది. డీఎంకే, అన్నా డీఎంకే, టీవీకే.. ఈ ఎన్నికను ప్రతిష్ఠాత్మకంగా తీసుకున్నారు. గెలిచి తీరాల’నే పట్టుదలతో ఉన్నాయి. దీనికి అనుగుణంగా వ్యూహం ప్రతివ్యూహాలని రూపొందించుకుంటున్నాయి. టీవీకే పూర్తి స్థాయిలో ఎన్నికల బరిలో నిలవడం వల్ల త్రిముఖ పోరు ఏర్పడింది. దాదాపు అన్ని నియోజకవర్గాల్లోనూ హోరాహోరి పోరు తప్పదు.
ఈ పరిణామాల మధ్య ముఖ్యమంత్రి ఎంకే స్టాలిన్ ఓ వీడియో ట్వీట్ చేశారు. తమిళనాడును మోసం చేయాలనుకునేవారికి తాను ఎప్పుడూ ప్రమాదకరమేనని, ఈ విషయంలో తాను దివంగత నాయకుడు కరుణానిధి కంటే ఒక అడుగు ముందే ఉన్నానని తేల్చి చెప్పారు. అలా చెప్పుకోవడం తనకు గర్వకారణమని చెప్పారు. తమిళనాడు, తమిళ ప్రజల పట్ల తనకు ఉన్న గాఢమైన అనుబంధాన్ని గుర్తు చేసుకున్నారు.
దేశంలో నెలకొన్న ప్రస్తుత పరిస్థితులను వివరించారు. తమిళనాడు ముందున్న ప్రమాదాలు, ఆందోళనల గురించి ఈ వీడియోలో పంచుకుంటున్నానని అన్నారు. తాను రాష్ట్రమంతటా ప్రజలను వ్యక్తిగతంగా కలుస్తున్నప్పటికీ, కొన్ని ముఖ్యమైన విషయాలను ఈ వీడియో ద్వారా మనసు విప్పి చెబుతున్నానంటూ తన ప్రసంగాన్ని స్టాలిన్. 2021 అసెంబ్లీ ఎన్నికల్లో కొందరు ‘స్టాలిన్, కరుణానిధి కంటే ఎక్కువ ప్రమాదకరం’ అని వ్యాఖ్యానించిన సూచన గుర్తు చేశారు.
నిజానికి దివంగత కళైంజ్ఞార్తో తనను తాను ఎప్పటికీ పోల్చుకోలేనని, ఆయనను ‘నాన్న’ అని పిలిచిన దానికంటే ‘నాయకుడు’ అని ఎక్కువగా సంబోధించానని స్టాలిన్ అన్నారు. కళజ్ఞర్ కంటే తాను ఒక మెట్టు పైనే ఉన్నానని ప్రజలు అంటున్నారని, అది మంచిదేనని, తనకు గర్వకారణమని పేర్కొన్నారు. ప్రజల కోసం ఈ ఐదేళ్ల పాలనలో ఏమి చేశానో చెప్పాలంటే, రోజుల తరబడి మాట్లాడనని సూచిస్తున్నారు.
తమిళనాడు మీద, తమిళ ప్రజల మీద నేను చాలా గొప్ప పాఠాన్ని మనం ఎదుర్కొనే ప్రమాదాలను మనస్ఫూర్తిగా మాట్లాడాను.
చూడండి…#వెల్వోం_ఒన్నాగా ! pic.twitter.com/wu9Kek7jAD
— MKStalin – తమిళనాట తలకుని విడమంటాను (@mkstalin) ఏప్రిల్ 21, 2026
సామాజిక న్యాయంతో కూడిన సమగ్రాభివృద్ధే తమ ప్రభుత్వ ప్రథమ లక్ష్యమని, గర్భస్థ శిశువుల నుంచి వృద్ధుల వరకు సమాజంలోని ప్రతి వ్యక్తి కోసం పథకాలు రూపొందించినట్లు గుర్తు చేశారు. విద్యను ఎవరూ దొంగిలించలేరని, అది భవిష్యత్ సంపద అని స్టాలిన్ చెప్పారు. అందుకే విద్యాభివృద్ధికి ‘నాన్ ముధల్వాన్’ తో పాటు అనేక వినూత్న ప్రాజెక్టులను ప్రకటించామని వివరించారు. ఏ రంగాన్ని తీసుకున్నా తమిళనాడు దేశంలోనే అగ్రస్థానంలో నిలుస్తుందని, ఆర్థికంగా కూడా రెండంకెల వృద్ధిని సాధించామని చెప్పారు. దీని సానుకూల ఫలితాలు త్వరలోనే స్పష్టంగా కనిపిస్తున్నాయని ఆశాభావం వ్యక్తం చేశారు.
