పాన్ ఇండియా సెల్యులాయిడ్ పై సత్తా చాటిన పెద్ది(పెద్ది)ఏ రోజు నుంచి ఓటీటీ దిగ్గజం నెట్ఫ్లిక్స్ ద్వారా స్ట్రీమింగ్కు వచ్చేసింది. వరల్డ్ వైడ్ గా 450 కోట్ల గ్రాస్ తో సంచలనం సృష్టించిన పెద్ది ఒటిటిలో కూడా తన సత్తా చాటాలనే పట్టుదలతో ఉన్నాడు. తెలుగు, తమిళం, కన్నడ, మలయాళ భాషల్లో స్ట్రీమింగ్ అవుతుండగా, హిందీ వెర్షన్ త్వరలోనే రాబోతోందని నెట్ఫ్లిక్స్ ఇండియా అధికారికంగా ప్రకటించింది.
అయితే థియేటర్లలో చూసిన పెద్ది ఓటీటీ పెద్దికి మధ్య కొన్ని ఆసక్తికరమైన మార్పులు జరిగాయి. ముఖ్యంగా రన్టైమ్ విషయంలో నెట్ఫ్లిక్స్ కొన్ని కీలక నిర్ణయాలు తీసుకుంది. థియేటర్లలో ఈ సినిమా రన్టైమ్ 3 గంటలు 9 నిమిషాలు ఉండగా, రన్టైమ్ని 3 గంటల 5 నిమిషాలు అప్డేట్ చేశారు. అంటే దాదాపు 4 నిమిషాల నిడివి గల కొన్ని సన్నివేశాలను డిజిటల్ వెర్షన్ నుండి తొలగించారు. అదే సమయంలో థియేట్రికల్ రిలీజ్ సమయంలో జాన్వీ కపూర్ క్యారక్టర్ కి సంబంధించి సోషల్ మీడియాలో వచ్చిన కొన్ని వివాదస్పద సీన్లు, డైలాగులు ఓటీటీ వెర్షన్లో చాలా సున్నితంగా ఎడిట్ చేసి సరిచేశారు.
మరోవైపు కట్ అయిపోయిన కొన్ని ఎమోషనల్ బిట్స్ ,చరణ్ థియేటర్ క్రికెట్ ప్రాక్టీస్ సీన్స్ ఓటీటీ వెర్షన్లో యాడ్ చేసినట్లు సమాచారం. ఈ సరికొత్త ఎడిటింగ్ పెద్దికి సరికొత్త ఫీల్ని ఇస్తోంది. డబ్బు కోసం మాత్రమే ఆడే ఒక సాధారణ క్రీడాకారుడు, తన గ్రామం యొక్క ఆత్మగౌరవం కోసం ప్రాణాలనైనా పణంగా పెట్టే ఒక నిబద్ధత గల క్రీడాకారుడు ఎలా మారాడనే కోణంలో దర్శకుడు బుచ్చిబాబు సానా కథని ఎమోషనల్ గా నడిపించారు.
ఇది కూడా చదవండి: త్రికాల: త్రికాల ఓటీటీలోకి వచ్చేసింది.. అమ్మవారి దైవత్వాన్ని మిస్ అవ్వకండి
పెద్ది క్యారక్టర్ కోసం రామ్ చరణ్ పడ్డ కష్టం అంతా ఇంతా కాదు. షూటింగ్ సమయంలో ఒక యాక్షన్ సీక్వెన్స్ చిత్రీకరిస్తున్నప్పుడు చరణ్ కనుబొమ్మకు తీవ్రమైన గాయమై ఎనిమిది కుట్లు పడ్డాయి. కంటికి తృటిలో ప్రమాదం తప్ప, ఆయన ఏమాత్రం వెనకడుగు వేయకుండా షూటింగ్లో పాల్గొనడం చరణ్ అంకితభావానికి నిదర్శనం. ప్రతిరోజూ తెల్లవారుజామున 4 గంటలకే నిద్రలేచి కఠినమైన శిక్షణ పొందడం, అర్ధరాత్రి వరకు షూటింగ్లో పాల్గొనడం వంటి చరణ్ శ్రమను చూసి స్వయంగా మెగాస్టార్ చిరంజీవి కూడా గర్వపడ్డారు. గ్లామర్ అండ్ ఎమోషనల్ టచ్ ఇస్తూ జాన్వీ కపూర్ కథానాయికగా నటించగా, కన్నడ సూపర్ స్టార్ శివ రాజ్కుమార్, జగపతి బాబు, దివ్యేందు, బొమన్ ఇరానీ, రవి కిషన్ వంటి దిగ్గజ నటులు కీలక పాత్రల్లో మెరిశారు. ఆస్కార్ అవార్డు గ్రహీత ఏఆర్ రెహమాన్ అందించిన అద్భుతమైన సంగీతం, బ్యాక్గ్రౌండ్ స్కోర్ ఈ ప్రదర్శన ప్రధాన ఆకర్షణగా నిలిచింది. “ఆట మారొచ్చు కానీ మొనగాడు మాత్రం మారడు” అంటూ నెట్ఫ్లిక్స్ వదిలిన ఈ స్పోర్ట్స్ డ్రామాని ఈ వీకెండ్లోని హోమ్ థియేటర్లలో చూసి ఎంజాయ్ చేయడానికి ఓటీటీ ప్రియులు సిద్ధమవుతున్నారు.
పెద్ది, రామ్ చరణ్, జాన్వీ కపూర్, శివరాజ్ కుమార్, బుచ్చిబాబు సనా
